黎緊七夕情人節唔知去邊慶祝好🤔我會介紹大家去呢間廣州既西餐廳，一入到去可見餐廳以大量玫瑰花作裝飾，浪漫氣氛爆登🌹餐廳環境十分舒適，光線柔和並以木質枱凳為主，好適合同另一伴一齊黎慶祝🍾見到有唔少人都會特登黎慶祝生日或者紀念日😌♦️餐前麵包🍞：口感軟熟而且脆口，黎到仲熱既幾好味♦️香煎鵝肝配熱帶果蓉：鵝肝表面煎至金黃色，外層帶有酥脆感，內裡口感滑順，油香係口中散開好滿足～熱帶果蓉甜酸度適中，可以中和鵝肝油膩感，層次更豐富🥰♦️蜜瓜火腿：淨係賣相都夠吸引😍蜜瓜每件大小均一，蜜瓜散發出的清甜果香與火腿獨特的鹹香好夾～♦️澳洲穀飼5+皇后牛扒（5成熟）：呢碟係餐廳招牌菜式，特登揀左5成熟切開見到牛肉呈粉嫩既粉紅色，而且保留左牛排內部水分，食落肉質依然嫩滑多汁，牛肉係口中油脂自然化開，充滿肉香♦️檸檬草酸辣蝦湯燴青口：青口大隻肥美，湯底微辣口感配以檸檬草煮出黎香味十足，食落酸辣味道非常惹味，而且唔會過酸♦️刺身澳帶佐馬蹄莎莎：用上新鮮澳洲扇貝，肉質嫩滑口感細膩，食落帶有海洋鮮甜味～馬蹄爽脆口感為刺身增加層次感♦️黑松露巴斯克芝士蛋糕🍰：黑松露味道香濃同芝士味道都幾夾，口感細膩綿密而且入口即溶，整體都唔會好甜♦️愛克斯之吻：餐廳特調飲品，杯身仲有玫瑰花作裝飾十分浪漫，靚到唔捨得飲🌷無論係環境布置、食物質素定係細節位嘅浪漫感，都完全符合情人節慶祝嘅要求，無論係同另一半過二人世界，定係同閨蜜一齊打卡歎美食都好適合。記得提前book位，唔好等去到先話滿座就掃興啦～…查看更多
