food_pooh_pooh的个人专页

今日陪屋企去大陸，發現咗國貿站附近有間蒸氣火鍋🍲 性價比比起香港都真係好高！我哋用社交平台嗌咗嗰滋補蒸氣宴青龍二人餐¥397，計返港幣大約$430左右，有龍蝦🦞、泥鯭、鮑魚、扇貝、美貝、文昌雞、蔬菜、粟米同最惹味嘅粥底😍 絕對夠食，如果無乜特別要求，三個人食二人餐都只係需要加返¥12位，我哋加咗每人一隻¥28蠔，用港幣計大約$180/位🤔 就算2個人食唔加嘢都係$215一個人🤔龍蝦同美貝真係超鮮好甜，粟米超甜，加嘅蠔勁大隻，其他就相對普通🤔 無乜記憶點，但用呢個價嚟講就真係超抵食，加上佢嗰粥底有哂上面海鮮、雞同埋蔬菜嘅精華，個粥底真係好正嘅，所以一定唔會唔夠飽，只會食唔哂😗 但如果全部想食靚海鮮，就可以單叫，但老實講單嗌嘅價錢普遍嚟講都好貴，話說早幾日自己喺楊屋道街市買咗一斤蝦$45，都算大隻好甜，類似嘅呢度夜晚價要$138/斤，啲蟹同龍蝦更加貴，我係嗌唔落手嗰種😦 所以食完之後我研究佢啲團購Menu會覺得最好係叫¥1298/¥1998嘅6人餐，睇係budget同肚嘅容量🤣 不過就要起碼6個人嚟食😝 多啲人食嘅menu係會更平，除返平均價都係$240左右整體嚟講嗰¥397嘅二人餐我都好滿足，但我係未食到我想食嘅蝦蟹😂 …