meidick的个人专页

失驚無神，人吔71參加免费活動，我就北上，目的地萬象城，一出地鐵露天，書城，再行入去，第一棟，全是食肆，地下韓國食店，多年青人排隊，不是我杯茶，又行吓兜下，入咗大商場，大名牌店，有餐廳指示，其中就是潮上潮，跟住指示上上落落，問吓，终於在一幢獨立小樓找到，見到一個6-7呎紅色旗抱接待小姑娘，看過餐牌，點心约$40左右，合適，其實食完離開時候，在剛剛地鐵站出口直入巳見到該小樓。餐廳最吸引，用玻璃樽盛載大大隻花膠，黃燈背後，向前向後，透射，好似發光燈籠，特顯名貴，提升餐廳级數。侍應倒少許水在晶莹玻璃碟內白色毛巾(上面一片小葉點綴-清雅)，毛巾即時變軟，抹抹手，心一點舒暢，點了菜後，侍應奉上玻璃小杯金黃茶，味話妹，甘甜，以為有佳花，因侍應講一點快，聽不懂，後來發現後潮洲老香黃水-佛手甘水，正:)。潮式小籠包$38，分别在無醋點，汁多肉滑，鲜，皮薄不穿，有湯浪浪盪盪。發财雲腿酥餅$38，三粒棋子，熱烘烘，潮色酥皮，印紅色發字，咸香火腿。糖醋麵$88，做到兩麵面脆脆，香而不燶，金黃有致，內裏濕軟，不錯:)。貼心服務，問社交平台團購，年青温柔女侍應好努力幫我，佢好纯熟，手指按好快，試多次hk支付寶買唔到，要用wechat買，唔知點解？…查看更多

万象天地實太大，要找此處，出發前要看看途徑，否則由地鐵出口，要左問問右問問才到，此次來是平日，還好不用等候，侍應殷勤帶位，全廳紅色為主調。先點茶，等久一點還未到，要提，要多壼水叫3次，食完都未有，但小哥都好努力跟進_。瀨尿蝦餃 ， 飽滿，餡扎實 但味不到同蝦餃無乜分別，體積只較其大。青蘋果鹹水角， 即係個形狀似青蘋果但細粒 ，食唔到餡嘅味道。迷你冬瓜盅， 畀相片欺騙咗，係冇蟹鉗只有拆蟹肉，海鲜不是相中大size:(，味宜。黑松露迷你燒賣，點點黑松露，肉扎實，富貴三寶： 黑松露素餃；菠菜皮蝦餃 紅菜頭皮 蝦餃，好型精緻，味宜。原隻和牛鮑魚撻， 鮑魚韌， 但新鮮， 和牛碎 配 薄脆皮撻。脆皮雞， 皮香，肉還有進步空間，香港都可食到。紫菜蟹肉炒飯，香，最好， 乾爽不油，惹味。勝在環境寬敲，裝修吸引。…查看更多

在機場過關及安檢後，想找地方坐坐飲杯，Starbucks無位坐，只有買走，而且早上已飲cappuccino,唔想再飲奶，其他餐廳坐位較迫又暗，見到翠華，光鲜，燈光通明，裝修舒適新穎。點了熱檸檬薏米水，柑橘檸檬，唔係太甜，清新，最近食得多，有這些消膩飲品，肚子舒服，看見其他客人的食物，如燒味，賣相都好靚。翠華隔離日本餐廳較貴，只得汽水，奶茶，咖啡，要¥30-40。…查看更多

每次旅行都會躊躇找餐廳開飯，但每次約這個朋友，佢都會決定去那裏及訂枱，唔靚唔貴都唔去，上年去上海灘，前年去慧公館，佢的福德宮的星光亮過我的太陽星，只忙碌於尋找享樂事。餐廳環境帶暗，再以射燈，金色方柱，中色擺設，厚白色枱布，舒適環椅，黑色筷子襯金色筷子托及光滑白色碗碟，特出高貴形象。餐前小食，是當做茘枝，本想開支紅酒，其中一個朋友要駕車，我們又不會喝太多，只叫啤酒，其中一罐啤酒青島原漿，廣告說是啤酒中的勞斯萊斯，只有在高级餐廳才有得飲，超级市場無得買，一罐過百元人民幣，試過不苦澀，易入口，標籤酒精濃度高，不覺。友人本想點海鮮，但現在休魚期，海鮮無甚選擇，叫幾個小菜，佢拿主意，所以我不知真正菜名。頭盤醬蘿蔔，射燈照著特别靚，唔太咸，唔老即嫩，鮮味，無白蘿蔔青味。醬燒竹筍絲什菌，爽口，咸中帶小甜。炒米粉，蛋絲，葱，洋葱，芽菜，爽口幼滑，香口朋友好欣賞。越式牛柳，本人對牛肉麻麻，會敏感，给我感覺帶毒性，但見到樣好靚，聞好香，忍唔住試二件，外香内嫩有汁，濃郁牛肉味阿彌陀佛，但唔知點解叫越式，無檸檬葉無薄荷葉！淮山蝦仁，煎香淮山蝦仁（不细），淮山上枱鋪花形，香不會淋又唔係爽，滲蝦鲜味，蝦又香又鲜炒雞球，用金屬綑邊的木盤盛載，薑葱炒好香，乾身有汁，肉質有彈性，應先炸後回鑊炒雪菜魷魚鬚，印証甚麼叫咸鲜，爽口，松露菌餃~水晶皮，鵝肝包~皮像雪山义燒包，餡是鵝肝，兩樣都合乎香港高級酒樓水準。雖然不算知己，但都能談天說地，雖然唔係拿住紅酒，但有佳餚啤酒，歡聚暢談，缘也，樂也。因朋友請，所以不知價錢。食咗牛肉，蝦，筍，鵝肝，皮膚又來料。…查看更多

我逗留上海5日4夜，套票包早餐，每年都會來上海一次，我曾去過的5星酒店自助早餐，環境及質素都合乎5星要求，這裏可解有3喜，因俺人是澱粉迷，早餐喜歡澱粉質食物及清淡，不喜歡食肉，這裏有3款粥，小米粥，綠豆粥，白粥，多款咸菜選擇；2喜，小蕃薯，粟米（唔甜），鮮准山；3喜，熱豆䊢，我喜歡加西式榖麥，果仁，有乾橙片，有些酒店只有凍豆䊢，凍奶，早餐我是唔會飲冰凍飲品。張椅夠厚，绒面，好舒服，樓底又高，裝修又夠高貴有心思設計，豪氣又有品味，又唔嘈吵雖然無街景，置身在其中，感覺高級及舒適。題外話，房間寬闊，牀夠大又舒適，地氈夠厚。…查看更多