penguinmonkey的个人专页

阿妈生日黎衣度食，向群既味道一直都系有保证既~~叫左白切鸡、烧鹅、干逼粉丝煲、鹅肠炒菜、鸡杂炒菜、莲藕炒荷兰豆菌类~白切鸡几嫩滑，味道都OK~~烧鹅唔会好肥，肉都够厚~干逼粉丝煲整得岩岩好，唔太干，又好够味，正~~鸡杂炒菜，菜好青绿，鸡杂好爽脆~锅气够~鹅肠都够爽，但系味道唔够，但系都好好食~莲藕个个菜，还好啦~~就系几样野炒埋一齐，味道都够既~价钱唔贵~不过衣度服务态度差左D，成日叫人都唔应~~…查看更多

因为系中华上面，所以都黎过几次，但系感觉都麻麻~~试过衣度既抹茶类饮料，实在太足料，苦到无朋友~饮过一次，以后唔敢点啦~~pancake都试过，普普通通，唔会好甜，质地都OK，随便食下都可以既~衣度仲有好多蛋包饭，我超中意蛋包饭。。。但系衣度既整得麻麻，我都唔记得自己叫左边种，就系中间D饭似系用番茄酱捞过，然后放翻入只蛋度，外面淋左小小汁，淡淡地，味道无咩特别，饭感觉唔新鲜，个几条菜仲OK既~…查看更多

由于时间既关系，去唔到西华路个间腾元生煎，就过黎衣度试下十二生煎啦~~墙上面贴住教人点食既提示，真系好温馨。。。可能怕岩出炉，D汁会整亲喉咙啦~~衣度生煎包睇落同第度既差唔多样，咬落得煎个面脆，中间D汁唔够腾元既清甜~皮略嫌有D厚~但系都OK好味既~…查看更多

带同学黎附近行见到有肠粉店就黎试下，估唔到咁正~~随便叫左个罗汉斋肠同鸳鸯肠~肠粉皮好薄唔痴牙~豉油唔会好咸~分量又岩岩好，好正~老城区果然先食到好食既肠粉~服务员都系D啊叔啊姨，但系感觉好亲切，上菜快，落单快~睇距个名应该系粥出名，下次要黎试下距个粥先得~~…查看更多

团购黎既，预约左中午过黎仲系要等一阵位，中午好多人~我地4个人团左两个双人餐，仲点左其他想食既野，真系超级拆得！花旗参汤虾饺皇、汤王蟹籽小笼包衣D必点既，就黎两份~蒸排骨、潮州蒸粉果、杂果西米露、鲜竹卷、粗粮包、红豆糕都各要左份~以上系团购度既点心~虾饺大只，花旗参汤淡淡地唔会好浓，我觉得OK~小笼包中间D汁好清甜~正~排骨正常味道，都OK既~蒸粉果太大只，而且唔好味，皮好厚好痴~西米露普通货色~鲜竹卷几好，好清甜，中间料好多，但系唔会漏~粗粮包无点食，太饱~红豆糕睇落似萝卜糕，但系味道几好，小小甜，有好多红豆系中间，外面煎到好脆，几正~后来我地仲叫左干炒牛河，都几多牛肉~牛河分量好大，饱晒~…查看更多

团购去既，4人餐可以系20款点心选10款~~肯定要点既就紧系花旗参鸡汤虾饺皇啦，好重花旗参味，其实我分唔清，就觉得好鬼苦，虾饺好大只，味道唔错~五谷杂粮猪肉丸，猪肉丸上面好多粗粮，粗粮好烟韧，猪肉丸味道都OK，仲好大一粒添~脆皮芝士牛肉球，距中间系芝士，外面系牛肉球，而且炸过甘样，外面好香口，里面有d漏~泰式白云凤爪，酸酸地辣辣地，味道唔错~牛肉肠，味道中规中矩啦~蛋挞，都整得够松化，唔错~黄金炸虾球，细细粒一个，炸得好脆，有D热气，蘸住汁食好D~皮蛋瘦肉粥，麻麻地啦，唔够棉~金菇香茜饺，都系唔正宗既香茜饺，个头好大，下面有几粒玉米，味道还好啦~最尾一个我地随便点左个咩初恋的感觉。。。顶。。。其实就系水晶糕，仲要系罗琼脂整既，无黎味道，样又唔系好睇。。。…查看更多

见到有团购4人餐，赶紧团黎试下~预约左，所以去到就有位，衣度远离繁华地区，所以地方好阔落~几好个团购餐包括左生磨杏汁白肺汤、沙姜焗农家鸡、风味珍珠蚝蛋钵、西湖菊花鱼(鲩鱼)、上汤时蔬（1份，价值32元）、金香黄鳝饭小煲、中山菠萝包~个汤我觉得麻麻，无咩鲜味，淡淡地，当清下喉咙咯~沙姜鸡，都系麻麻地，普通鸡一只~蚝仔蒸蛋，还可以，都几滑~个西湖菊花鱼，唔好食，好硬，好似炸完放左好耐咁~青菜都够新鲜既~最期待既黄鳝饭，无想象中多黄鳝，D饭整得有D干，而且黄鳝味入唔到落D饭度，就可以食饱咁咯~~最尾个菠萝包反而仲几好食~…查看更多

周末去乐峰广场，度度都要等位，想试下未试过既地方，见衣度都几多人帮衬就试下。。。唉。。。点知。。。个服务员随便带我地去个角落头既台，然后点餐之后过左大半个钟都未上菜。。。催左好几次先终于上黎，我都听到隔离台话D菜好耐都唔上！随便叫左个蛋挞、紫菜饺，好似仲有牛肉丸，蛋挞都普通味道，无咩特色，皮唔够松化~紫菜卷好难食，紫菜淋晒，D肉感觉好唔新鲜~牛肉丸D肉都系差唔多差，以后唔敢黎衣度食。。。环境唔系好、服务态度全无，野食垃圾~~无下次…查看更多

听同事讲衣间肠粉好有特色，系用窝篮整既，而且好早关门，专程入去芳村试食~~必食既系家乡拉肠~距D皮里面包住好多黑芝麻、花生同萝卜润系里面，皮系好薄，但系感觉味道调得好怪，淡某某~牛肉肠仲好D~系衣度千其唔好叫粥，好难食，未食过粥同料D味系完全分离既，又唔棉，又系淡某某，唔通我真系咁重口味？总之就无欲望食第二次啦~~…查看更多

经过东山口，随便拣左间环境OK既，又唔使点等位既餐厅~衣度感觉系新开既，设施好新~服务员态度好好~两个人随便叫左个芝士鲜虾伊面，叉烧同浸鱼片~感觉芝士同伊面简直系绝配~捞起身好正！虽然虾系冰鲜既，但系够大只，仲有小小鲜味，都几好~叉烧半肥瘦，汁甜甜地几好~旁边仲伴住酸萝卜，几醒胃~个鱼片汤都好清甜，奶白色系我至爱~有D菜，中和下叉烧D重口味，好好~价钱都适中~以后会继续帮衬~…查看更多

经过见到D蛋糕好吸引，买左件朱古力蛋糕，因为知道距D朱古力出名~果然朱古力味超级香浓~虽然件蛋糕唔大件，但系好实，上面个块系朱古力块，脆脆地，食完又唔会觉得好漏喔，唔错唔错~串屋整个D生日蛋糕睇落都好靓~得闲可以试下~…查看更多

夜晚经过肚饿，就黎买个蛋糕食~~拣左个栗子蛋糕，甜甜地，唔会觉得好漏，中间D蛋糕又唔会好干，价钱适中，性价比算高架啦~平时仲中意买距既麻薯，好正~又香又够韧~而且衣度既装修都好靓，经过唔觉得似卖包个咯~…查看更多

虽然衣间野好贵，但系都好多人等位，可能因为系太古汇啦~个个都系有钱人~今日冒名黎感受下D高端消费~等位等左一段时间，有位既时候服务员好亲切咁带你入去，帮你点餐，而且距有规定一个人专门服务边几台人客，所以唔会好似一般茶楼，叫极都无人应~叫左个羊城雀笼点心，里面有齐虾饺、鲍鱼烧卖、东星斑鱼饺、燕窝蛋挞、叉烧酥、萝卜丝酥等，可以试晒各种点心，但系距量唔多，所以都系自己拣中意食既黎试，味道嘛，我觉得还好，不过样就好得~整得好精致，属于视觉享受~之后仲叫左炸云吞、腐皮卷、烧卖，里面都有虾，感觉好高级，味道都系普普通通啦~性价比唔高，纯粹食环境~~…查看更多

我妈好中意黎衣度，可能睇中衣度平靓正啦，讲真衣度既味道系唔错~~价钱都好抵，就系有D远，次次过黎都要地铁转车，车又多人，自己开车黎就爽好多~~黎到衣度必点既肯定系荔枝柴烧鸡同鲍汁山水豆腐，第一次食真系觉得好正，烧鸡烧得好脆，味道又够，不过食多左就唔觉得好食啦~个豆腐更加系正，外脆内嫩，炸得恰到好处，淋左D鲍汁上去，唔会好咸，岩岩好，依个真系次次食都唔厌，不过要趁热食，冻左就唔脆~炒青菜都整得好够锅气，菜上到黎仲好青绿~好爽口~今日仲试左个沙姜鹅杂，沙姜好多，鹅杂好爽脆~仲有花生鸡脚、鱼肠蒸蛋等味道都系几好~衣度要早小小黎先容易稳位，饭点超多人黎~…查看更多

买左个双人团购，所以走黎衣度~~原本见点评讲得好好味架~衣度楼梯有D高同窄~上到去好多旧时既野，旧既窗花、地砖，仲有好旧式既水壶，好特别，环境都布置得好舒服~因为预约左所以一黎到就有位，直接点餐~我就选左个普通既猪仔包同奶茶，我LG就叫左菠萝油，个饮料唔系好记得啦~奶茶都系好浓郁个种港式奶茶既味道~普普通通啦~菠萝油都无咩特别~不过我个猪仔包就太特别啦，特别硬，硬到我食唔到。。。。以后唔敢叫啦，早知食三民治好过~…查看更多