honghong722005的个人专页

周四都甘多人等位，懒得等就同人地孖台。新出既香芋贡丸好好味，唔似平时既贡丸甘样，白雪雪有少少似墨鱼丸既感觉，同一齐点既香菇贡丸完全唔同，绝对值得试下。鱼子墨鱼滑好正，鱼子卜卜脆，同墨鱼滑既爽滑非常夹。成碟都是我一个人吃晒。6蚊一位既饮料可以无限畅饮，有百事、柠茶、七喜、热情果可以拣。…查看更多

好耐无来吃小笼包罗，结果仲是甘多人，等左阵先有位，啦啦林点左笼牛肉灌汤包，等上灌汤包果阵又忍唔住叫左碟酱驴肉来试下，又几好味下，是跟腱位好瘦，啖啖肉，好浓驴肉味，有少少辣。牛肉灌汤包就比以前差左，可能是D牛肉味无以前个D甘浓，不过就无猪肉馅既甘容易漏。一个人吃晒10只包都几是，吃完就试唔到其他野囉。…查看更多

环境同其他西餐厅一样都是比较幽暗的，各种餐都有，选择几多下。点左个肉酱意粉、一个泰皇海鲜饭、一个冰镇芥兰。跟肉酱意粉既辣椒酱好好味，辣得来好香，又唔会斋得个辣。我加好多落D粉度。泰皇海鲜饭都唔错，料几足，材料都好新鲜。冰镇芥兰D芥兰好新鲜，切得几薄下，雪得冻冻地，捞芥辣吃，清脆爽口，唔错。…查看更多

环境够大，台之间既间隔够大，服务还算可以，就是会加错茶：开左两壶茶，一壶是花茶，一壶是乌龙，帮我地加茶果阵都唔睇下原先是咩茶就照加落去，有D失望。点左个虾酱蒸猪肉，半肥瘦既猪肉加埋D虾酱一齐蒸，好香猪肉味，好新鲜，唔错。皮蛋酥D莲蓉馅好新鲜软滑，外层甘香酥脆，入口即化，馅里边既皮蛋加埋苏姜又令个酥无甘滞，我一个人就吃左两只。…查看更多

系广州吃过最正既蛋挞就是依家啦，虽然细只D，但好正宗，是岭南旦挞皮，外层焗到分开一层层，配住嫩滑既旦馅，松脆可口。榴莲酥新鲜出炉，皮酥馅香滑，日式肥牛芝士角是用腐皮包住肥牛芝士一齐炸，口感外脆内软滑，芝士味香浓。虾饺料足馅靓，D虾大大只好新鲜好爽口弹牙。唯一不足是人太多，好吵。…查看更多

经过个阵见好多人系度等位，发现招牌写住意粉10蚊起。岩好肚饿，忍唔住入去试下。客人比较多，但上菜都唔算慢。肉酱意粉一般般甘啦，肉酱做得好一般，加D辣酱落去会好味D，尼个价位既出品是甘上下嘎啦，比较合适学生类人群消费。饮品是7蚊一位，可以无限畅饮。如果行街累左可以考虑来歇下脚。…查看更多

开系跑马场既店都比较贵。尼度属于新派湘菜，环境装修都好高档，比较适合商务宴请。湘菜品种还算多，法式果仁梳乎喱好大只，做得几好味，黑椒牛仔骨够惹味，好香牛肉味，带D黑椒既辣味，好醒胃。捞起北极贝既北极贝新鲜爽口，同攻鼻既青芥辣非常夹，一阵就给清左碟。仲竟然可以自带酒水，不加收开瓶费。…查看更多

因为餐厅位置比较偏，平时人唔是好多，所以服务得还算快。冷盘猪手，猪皮非常香脆爽口，加埋D汁，唇齿留香。牛蛙焖鸭血，鸭血够嫩滑、牛蛙鲜嫩辣到忍唔住口，口感出奇的好，就是牛蛙少了些。剁椒鱼头，同D剁椒融为一体，特别是D鱼嘴肉是好鲜嫩。…查看更多

坐露天位置可以吹到江风，可惜依家是大热天时，无咩风。室外会有钢琴表演。点左个南瓜汤，一个西冷牛扒，一个牛柳意粉，南瓜汤配既面包有五只味，最好吃是蒜蓉味既。牛扒是做得最好既，熟度刚刚好。意粉还可以，不过不失甘啦。不过价格就。。。贵了点。…查看更多

我竟然是第一个点评既 来依度是因为系上一间未吃饱，经过果阵好饿，岩好又想吃寿司就。。。可以散点又可以叫套餐，最平套餐13蚊就有6件加一杯饮品，寿司一蚊起。寿司比较细件，品种也唔中算太多，三文鱼切得好细片，不过还算新鲜。明太子就嘛嘛哋，唔会再试。地方好细，就得三张台。…查看更多

环境不错，台与台之间够阔，坐满人之后都唔觉得吵。装修就好有越南feel。试左个火车头河粉，汤底味道有点药材味，唔是好似一般个D越南河粉汤底甘清淡，但加埋D柠檬汁落去，就好味好多，甘吃比较正宗。越式拌牛肉，非常地道，牛肉同D酱汁好夹，非常好味，值得再试。最可惜是无停车优惠。…查看更多

叉烧几好，唔肥唔瘦，烧得够甘香。水蛋蒸鱼很滑，几特别下，味偏淡，唔觉得有落味精，比较健康。服务都几好，好勤换碟。这家店原来是芳村地区的比较高档既食府，唔知是唔是因为去年失火既原因，依家生意很一般，周末来吃饭既人都唔是好多。…查看更多

广州比较典型的大排档，就系铁路边，地方够大，人超多，好吵下。荔枝木烧鸡是这里的招牌，几乎每桌必点，鸡皮烧得很脆，鸡肉嫩滑很有鸡味。鲍汁豆腐，外脆内嫩。室内净得风扇，所以，夏天来这里就真是要考虑考虑下啦。不过荷花池里面的荷花好靓，都算是尼间店既一大特色。…查看更多

广州既老字号，地方好大，装修非常好，请人被请都有菲士。朝朝早都好多人等位。广式点心做得好地道。榴莲酥外层酥脆，内馅有浓浓榴莲味，外脆内软。鲍汁凤爪够淋够入味，连垫底既花生都入晒味，又淋又好味。就是越来越贵。…查看更多

品种唔多，但个个都是为左盒鱼皮来既。鱼皮爽滑，辣辣地，难怪吃过既都会返寻味。D粥既粥底够滑，材料新鲜嫩滑，岩岩好，唔会过熟。肠粉QQ地，酱汁好味唔会好咸。就是量少D。成条巷都是距既台，有大概10张左右，有唔少游客慕名而来。…查看更多