dn0angelly的个人专页

广州著名既老字号了，莲蓉包，双黄莲蓉月呢d都系招牌啦，虽然呢个只系卖糕点，唔似上下九果间甘，仲可以饮茶食饭，但系足够比d外地人领略到广州既美味糕点啦，价钱其实唔会好离谱，礼品装就肯定贵少少了，但系味道就依然系正宗既广州风味，老婆饼，老公饼，皮蛋酥等，真系闻见都流口水啊。…查看更多

试过一次以后都唔会再试，虽然它的卖点系大份，但系我又唔大食，呢个卖点对我无咩意义，我追求既系味道，拉面汤底实在比较咸，无咩可能系鲜熬嘎啦，但系都唔好太明显啊··，面比较烂，貌似呢个系日式拉面既通病，又或者可以讲系特色啦，其他配菜同其他拉面店差唔多，价钱上中等啦，响星城呢个旺地，基本上都比较多人既，但系我就对汤底要求高d，呢个就唔多岩我了。…查看更多

一早就知呢间专门布拉肠肠粉店，日日都会搭车经过，日日都会见到排晒长龙，终于有日休息下定决心早起去食肠粉，因为如果唔早，去到可能会关门，间店真系好多人排队，亦同样系真正既布拉肠，入面既工作人员基本上都有翻咁上下年纪，不过动作都比较快，呢度都几自助下，交钱后比个胶牌你，你要自己放牌去拉肠粉果度，阿姨整好肠粉上碟后，只帮你搽油，酱油就唔该你自己动手加了，如果系粥，都请你自己去罗啦······有d唔习惯罗。讲翻味道，布拉肠既特点系比较滑，呢间亦唔例外，滑得来亦唔会太削，牛肉比较大件，可惜总体分量较少，但系如果讲好食到排队，我就觉得未必值罗，觉得屋企附近市场口果间都味道类似。好在唔会太贵，牛肉肠5.5一碟。…查看更多

本来打算早d去食野，点知原来要11点先开门，基本上都系以茶餐为主，当然都有饭面粥啦，小炒都有，点左个菌鸡锅，味精味较浓，汤比较咸，好在我唔介意，价钱就稍微贵少少，四十几，仲有个瑞士汁捞牛河，睇落瑞士汁貌似好咸好深色，但系其实带有少少甜味，分量都几多下。…查看更多

晚上同朋友一起响万国觅食，本来想拣雪锅，但系觉得唔会好饿，雪锅系自助餐，觉得唔系好抵罗，隔离果间貌似系“酷哥辣妹”既转手火锅，见到宣传单又甘抵，就入去试试啦，两个人点左个杂菌火锅，一个牛丸米粉火锅，总共50元，价格上算抵，材料上牛丸火锅大概有3粒牛丸，同几片生菜，番茄，米粉，杂菌火锅就系菜，金针菇，冬菇，木耳，丸子2粒，蟹柳2条，面一份，饮料系任饮既，不过都无咩比你饮，只有加水既橙汁，菊花茶之类，连开水都唔热既，调料自己罗。胜在d野系火锅既，最多就煮熟d罗，我觉得d米粉就好烂了，一禄就软了，好在朋友中意食烂粉，另外赠送左份南瓜饼小食，牛肉丸认真唔错，爽口弹牙，其他就无咩特色了。人流量一般，可能今日唔系节假日关系。…查看更多

今日响附近办事，话说天河呢边真系贵价餐厅超多啊···穷人家的孩子伤不起啊···:(唯有到处寻觅啦，而且今日又特别想食拉面，一抬头就见到富田拉面，就走入去啦，（其实系比出面既特价招牌吸引既），点左个炙烧芝士丸拉面，只系17元而已，汤系骨头汤，有较多既芽菜and木耳丝，芝士丸有4粒，面都算ok，因为我个人中意食硬面，唔中意烂面，所以呢间店既面对我来讲算比较软少少，芝士丸入面真系有好大块芝士，味道几ok，可惜芝士丸唔够热，一开始食既时候觉得冻dd，将它压入d汤泡一阵再食会好d。总既来讲，都有几多附近既白领来帮衬。…查看更多

周五果日到附近办事，中午就响万达解决午餐，挑三拣四后决定食绿茵阁，呢度环境气氛真系唔错，虽然比较细d，但系灯光秉承左绿茵阁一贯既昏暗特点，特别系灯饰有比心机去设计，味道其实每间绿茵阁都差唔多，唔会特别出彩，亦唔会特别难食。个人比较中意既都系芝士焗西兰花，系我试过既呢道菜入面最好食既，其他既菜，扒类实在少食，呢次亦只系食左个芝士海鲜焗饭，材料算系比较多了，可惜对我来讲比较淡口味了点，价格对比起以前有稍稍上涨。…查看更多

第一次去5号停机坪，吃饭就在呢度解决，中午时分都比较多上班一族光顾，对面就系以前既吉之岛，宜家已经改名为永旺。萨莉亚既特点就系价格平，食个扒都只不过10几20元，虽然分量与味道都好一般，但我个人觉得只要拣鸡扒，基本上都算安全既，可惜牛排就非常一般了，可以睇到朋友点既牛排老到已经系老人家级别了，饮品任饮既价钱已经升到7元了，但系对于其他餐厅一杯野就唔止呢个家啦···…查看更多

聚会去左呢间翠城酒家，发现价格还可以啵~~味道都算唔错，比较有特色既系咖喱牛肉，系装系一个瓷盘，下面有蜡烛火温着，等你唔使冻晒唔好食，咖喱味道对于我来讲稍微辣左d，但系其他人就话岩岩好，牛肉比较嫩，貌似系呢度既招牌菜，好多桌都点呢个餸嘎··…查看更多

行开万佳，又稳唔到食咩好，就试试呢间啦，居然要等位啵，虽然唔系好耐时间，10分钟未够就等到了，餐牌有周一至五既套餐，比较抵d，除左主食外，仲有一杯饮料送，有d仲有甜品添，如果中意果个主食，点呢个套餐就抵了，不过我唔系几喜，所以点左个芝士海鲜焗意粉，可以选择白汁，蘑菇汁，忌廉汁等，我要左个白汁，料就比较多，但系无味~~~~~对于我呢类“重口味”既人来讲，简直就系粗茶淡饭。好在材料都比较多，碎鱿鱼碎虾仁铺満晒，加上我非常饿，都可以食得落既。价钱盛惠38元。…查看更多

某次行过路过万达入去食既，环境唔错，唔算太多人，而且唔可以搭台，相对比较好d。味道还可以，只系价钱贵左d者，但如果系下午茶2点半后入座，就可以打5-6折优惠，可惜果次唔知有个甘既规定，无得打折，3个人食左几碟野就一百多了···临近窗口可以睇到万达广场景。…查看更多

同大家乐一样既港式茶餐厅，以套餐为主，价钱有逐年上升既趋势，不过味道就有逐年下降既感觉，但系奶茶既味道还是可以既，我个人更欣赏碗仔翅，虽然肯定无鱼翅，但系味道唔错，当然有F话觉得酱油味浓左少少。见仁见智啦。有时套餐都比较抵既。…查看更多

呢个系最近我屋企既一家仙踪林，已经系熟到唔可以再熟了，来来去去都系中意经典既炸豆腐，不过价钱就随住物价上涨而上涨，唉~~以前比较中意茉香奶茶，不过依家都基本无得点了。新品每过一段时间就会有，不过都意味住涨价，环境比较小，而且就算有分吸烟and非吸烟区都无咩用，d人一样会吸烟，d服务员一样唔会去赶客。味道其实一般般，无咩特色可言。…查看更多

呢间唔错，环境ok，味道有翻咁上下水准，有个friend觉得比星爸爸好，我觉得就睇人睇店而已，星爸爸亦一样。只不过差极都有谱而已。个人比较中意拿铁，奶味唔会特浓，咖啡又较纯正，入口丝滑，以后都会再来既。…查看更多

团购的产物，周六日去只能够食午餐，仲要比平时贵添，99元双人餐，可以比你拣A、B锅，- 锅底（约750g，免费） 含蕃薯、胡萝卜、蕃茄、洋葱、西芹、枸杞、红枣、独蒜、青椒、红椒共10种蔬果 - 以下锅类2选1 组合锅：江团鱼/鸡腿肉/牛肉丸/金针菇肥牛组合锅（各约150g，价值144元） 双拼锅：茶树菇牛仔肉拼鸡翅/黄骨鱼拼芝士丸/鸭嘴鱼拼三黄鸡/黑鱼拼牛蛙（4选1，约600g，价值104-134元） - 茶位（2位，价值6元） - 米饭（2碗，价值6元） 拣左A锅，选择海鲜酱，味道真系唔错，有ipad玩，虽然网络非常不给力，店员都算几落力，只系价钱就比较贵啦，如果非团购就真系唔多抵罗。最后，食完后我上吐下泻左一日，同行既朋友就咩感觉都无，都唔知赖边个好了。…查看更多