ken_choy的个人专页

好久沒有寫食評了。 。 。食啦餵~~ 天氣凍返！又喺一個打邊爐好時機~有日忙完工作內地partner帶同我和個台灣客人來呢間漁米粥食嘢。7點去到已經做滿8成人客，要行入去裡面才找到座位。用一個鍋來幫客人燙洗一次餐具。Partner私人帶出來的法紅酒。 （此店不額外收取開瓶費。）事後才知買這瓶酒的價錢，是這次餐費二倍！真喺多謝~ 哈~粥底呈上~@@文昌雞一隻新鮮，濃雞味，肉質鮮嫩彈口，不柴！ ！@@基圍蝦一斤鮮活會動，OK大隻，蝦肉實淨鮮甜！@@黑鯇魚片兩碟咯，份量足，魚肉新鮮彈牙。@@生蠔好大隻咯，但個燙過後就縮小了半個個頭！不過不像正常火鍋煮熟後肉質乾巴巴的，這種粥底鎖定了水份，很是鮮甜！@@肥牛不記得叫什麼肥牛，就這麼幾片88元。肉質偏硬，口感不佳。有得選擇的話還是覺得潮式的手切黃牛正點！ ！最後是雜菜拌粥底，本來粥底較稀的，但濃縮了相當的精華。服務員倒進一半清粥水和稀飯進去，攪均就可以吃咯！味道很不錯！沒有加任何調料進去，都覺得很鮮甜的一碗粥！每人各喝了2碗，大愛啊！ ！一餐下來身子都感覺曖曖的，歸家的路途不畏凍啊~勝惠：￥410 （3人）…查看更多

金光華地牢二層好多食肆，一到正經食飯時間實間間多人排隊，一位難求！前排友人話團購o左張金草帽韓國烤肉o既4人套餐卷，收工去食。。位置靠廚房，冷氣唔多到位，亦有一陣油“益”味~見餐牌上啲套餐睇落幾抵食~仲有個F7點半才到，出門口去接..OMG~見到排隊食客有幾咁夸張！餐前小菜一眼睇晒，得6個份量又少，得泡菜可以，其他唔掂！唐生菜，可用來包烤肉。薯片，初初以為淮山片。烤到焦焦地，幹身幾好食！蔬菜沙律又幾FRESH~石窩飯，普通麻麻o地。。烤肉拼盤，算系主角，但一d料都無！食材相當求其！五花肉和培根叫做麻麻o地接受，其它不值一提。冷面幾靚仔，不過無試，俾個男性友人搞掂！原本系土豆地瓜餅的，轉o左薯條。炸過火，又幹又硬！泡菜湯，可口！泡飯又唔錯。還有4杯可樂和2條秋刀魚沒照到相。勝惠：￥158元（4人）後記：1. 後來客人越來越多，餐廳內排氣系統不是很好，再加上在裡面，冷氣不給力，個個都烤肉，環境可想而知，超悶熱！2. 個烤爐設計差，完全沒有抽油煙功能！還有烤肉時面上放一張紙（貌似特制燒烤紙？），一兩下功夫就就燒焦，渣碎痴埋烤肉，睇落又唔多有胃口。向人o地新x寶和漢x山學下野啦。。3. 這餐原價o系￥450元！講真句，真□系唔值□羅！但團購價4個人均才40蚊，我也不會要求太高！一試無妨~…查看更多

今次應邀OR去食BUFFET，首先多謝曬！ 洲際酒店，白金四星級酒店咯！幾遠都要撲過去~ 為食丫嘛~~咖啡廳？ 當然唔是去喝咖啡那麼簡單！提早一個鐘收工，7點到步目的地。睇下周圍乜環境先~步出華僑城地鐵B出口，見到酒店門面好grand，又被不一般的園林包圍襯托出與從不同o既寫意。大堂多數hardware用棗紅色ton結合天花一種粉藍燈光，再加上大堂一Corner位演繹著那種自彈自唱既歌聲，給人一種浪漫又誘惑既感覺。。呢度就系Mercado廣場。餐前附前一個法式面包，可能你會錯覺，來食BUFFET既然要人先食面包？非也~ 這個手打法式面包系招牌，頗受顧客們歡迎。每日新鮮熱辣出爐，每張台都送一個，仲要系可以打包走。好，開動咯！BUFFET丫嘛~ 緊系自己動手，豐衣足食啦~~頭盤~冷盤~鐵板類~中菜類~@@ 呢個西班牙BB豬 真系好很正！！燒到外脆肉嫩！一d肥膏都無！！ @@仲有呢個香草烤牛脾！勁牛味，肉質煙韌得來又唔柴口！@@呢條唔知咩魚， 又系成條燒烤，魚肉鮮甜，無魚腥味~主食類~比薩，感覺一般，但唔會差過比薩hurt 咯。。西班牙海鮮局飯，睇落幾受歡迎。。現場刀削面，好多佐料，自己配搭~水果 / 甜品類琳琅滿目o既cake~, 你流口水了嗎？~酒水 / 飲品類~紅酒另收費。鮮榨果汁。好多種茶葉， 是否上等貨？等你去試啦~~行曬一圈，個肚咕咕聲甘抗議！！好~ let’s 大快朵頤~~~後記：- 其價錢對比同級別餐廳來講，吸引力不高。 特別在冷盆方面，食材質數普通。- 環境亦算一般，但勝在來些消費人群較有素質，不會喧嘩一片。- 至於服務方面，算是合格！但收取15%服務費似乎over左d。…查看更多

又喺呢間食肆！當然飲極不厭嘅喺佢o地嘅老火靚湯！ ！上星期日上去友人約食晚飯，話揾個有靚湯嘅地方，咁當然首選呢間啦。7點半去到已經差唔多滿座，好彩仲有最後一張枱留俾我o地。 。咁啦啦聲就菜先，友人話叫我發板。咁為難我，就點返食開嗰幾個餸啦！@@西洋菜生魚湯 104元/中牌來到呢間飲咁多次湯，都喺覺得最正喺呢個湯！火候足，食材煲得淋身出味得來又唔會糜爛嘅嗰種！湯水稠濃，完全感受到魚味和洋菜味！每人7-8碗，好好飲，但就飲到傻~~@@鹹魚蒸五花肉呢個又喺水準之作，其實食材好簡單，但選材就不能求其！五花肉肥瘦要均勻，片得薄身！不過當晚食嘅五花肉偏肥肉多。而鹹魚更加選用“厚刀魚”，蒸完出來鹹魚唔會潰爛，散曬; 而喺魚肉仲實淨，啖啖魚香更加滲入五花肉中！正啊~~@@白鯧魚 68元/斤條白斤一兩，睇賣相唔錯！但食一啖就知失敗！蒸過籠！肉質變鞋！豆豉唔夠味，落嘅豉油又少！浪費咗條魚！ ！@@椒絲腐乳通菜呢道菜好少話差嘅。都OK！食完餐飯，咁友人話督場波做下運動咯。 。 。買單唔該~~勝惠：￥256元（2人）…查看更多

上個禮拜五響羅湖國貿附近見完個客，一條友鼠入呢間食嘢。7點鐘，客人唔算多。服務員依然咁熱情。不同時間段嘅promo餐。我點咗幾樣刺身。三文魚刺身做特價， 4蚊/片。三文魚腩，厚身，超正！ ！ 10蚊/片食得過~油甘魚刺身就一般， 7蚊/片。 。對比返都喺三文魚刺身唔抵食！油甘魚腩，又唔錯！唔夠喉，又來多板！牡丹蝦大大隻，幾鮮甜下。三文魚寿司又喺做特價， 3蚊/件。呢個就一般，三文魚太薄！再點多個豬軟骨拉麵！ 28蚊大大碗，份量十足！今次豬軟骨口感硬咗啲！最後來個紅豆冰淇淋，4-5粒紅豆咁多。 9蚊雞算喺咁啦。 。呢間對比返週邊幾間日式餐廳，食物質素唔算突出，價錢喺偏貴少少。但就貨源和衛生方面都可靠！勝惠：￥218（1人）。…查看更多

原本去羅湖愛國路嗰間，但去到竟然烏嘛七暗！大大個“拆”貼在門口！友人就帶我們去呢間店，話在華強北燕南路嗰邊，咁鬼遠！好彩友人揸車~8點到步，生意很好！一樓full曬，上二樓俾個大圓枱我們坐，闊落！較欣賞這幾個大字，寫得“蒼勁有力”! 有霸氣！ ！@@餐前小食。- 蠶豆，大大粒，燜得好腍身。普通！- 唔知叫魚，幹身，甜口，有咬口！有啲似開心魚味道，又唔錯！@@八寶花茶花香味濃郁，清甜！有專業加水，哥仔功夫唔錯！不過冇電視見到咁耍花式~@@夫妻肺片呢碟夫妻肺片有別其他食店，買相一般。但就牛心、牛舌、牛肚、牛肉。片大而薄，粑糯入味，麻辣鮮香。正~@@口水雞顧名思義，當然不是噴口水落隻雞度，而是在於這道菜香辛料豐富的層次，品嚐完後會口水直流。入口初則甜中帶辣，辣而不嗆，香中帶麻~~雞肉有點松腍，談不上嫩滑。@@雜菌煲此菜頗為清淡，中和返前兩道菜餘留在口腔內嘅麻辣味。@@老鴨海帶湯份量十足，胡椒味濃郁，但味精亦不少！@@麻婆豆腐外觀色深紅亮，紅白綠相襯，單看賣相就讓人流口水。麻來自花椒，辣來自辣椒，這道菜突出了川菜“麻辣”的特點。可以說是我食過最正嘅“麻婆豆腐”，裡面竟然食到有肉碎。撈飯食真喺一流！ ！@@蒜蓉炒通菜通菜老身咗啲！味道一般。 。@@毛血旺最後上的一道川菜，看賣相是相當的嚇人！可能之前幾道菜都把味蕾都麻辣了，吃起來也不感覺太辣。但就食欲不大，因為太多紅油，看著都膩了。今餐總體來講味道都OK，好似附近有地鐵站（燕南站）。有機會再來~勝惠：￥301（4人）。…查看更多

上個禮拜四收工返港特等“福民站”落車行去A出口嗰度揾呢間“咖啡烤包”。經過屈臣氏就聞到有一陣烤麵包香撲鼻而來。 。行快兩步！就向扶手電梯隔離。 。又使唔使咁多人排隊呢~~個老細見到客人搖手招呼。可惜門面太細，排隊啦~要等5分鐘個包先出爐！新鮮熱辣出爐咖啡烤包！好香~要咗個咖啡烤包+杯鮮榨芒果汁，￥16蚊唔該~ （價錢加幅成20%，真喺無奈囉？ ！）大大口咬落，面層相當酥脆！香口~ 裡層軟腍，個“含”又走甜！ yummy~~…查看更多

一直都好想去食這家烤全羊，但何奈都湊不夠人數。友人吹雞，立即報名！14人成團！ gogogo~~懷著興奮o既心情，7點半到步樓下。 。上到二樓包廂“西域廳”（其他包廂都爆曬）。@@涼拌娃娃菜@@新疆烙餅第一次食，唔脆，軟身。不過底面污糟。@@酸湯水餃@@燴面片普通。@@清湯蕎麥面太腍身。@@四川泡菜麻辣，幾開胃。@@涼扮黃瓜@@薑汁豆角幾清爽！@@胡辣羊蹄骨膠原豐富。勁辣！@@酸辣土豆絲酸酸辣辣頗受大家歡迎！@@清燉羊肉湯羊羶味頗重！不過味精太重手！@@炒黃豆牙@@涼拌海帶蘿蔔絲@@花生米@@河洲金釀皮呢個涼皮好正！涼皮口感QQ o地，拌有上蔥花，花生，芝麻醬和醋。撈勻一齊食，味道唔錯！@@蒜蓉波菜一般。@@清炒介蘭口感幾脆爽。@@新疆大盤雞即喺薯仔燜雞。叫了個中盤，78蚊。燜得幾入味，淋身！味道無咩特別，勝在份量足，抵食！@@撥絲香蕉這個有水準。友人都讚原來香蕉好食過番薯。@@烤羊（以下有兩張相片借用象版嘅，等大家多d相片參考。）主角出場。色澤金黃，外層香脆，中心肉質部分很鬆軟。相當香口，惹味！睇見到令人垂延三尺。肉質軟腍juicy，滿有肉香。一只烤羊咁多人都食唔晒，相当抵食！！一友人聚o埋一齐，饮饮食食，吹下水，真喺开心！！機會實會再來“拆”多次！ ！勝惠：￥1321（14人）， 人均￥95元。…查看更多

週未和友人去了Mix-city，上了5樓“美樂匯”食嘢。 開放式，但沒有KK MALL大食代多選擇。 第一家那個涮涮鍋生意很好，很多人排隊。 我們行了一圈，覺得想食嘅嘢唔多。 賣東北菜攤位。 最后在一家叫“彩雲居”，賣過橋米線嘅攤位停低。 。 雲南少數民族佈公仔。 攤位菜式。 @@酸菜魚過橋米線/ 18元 睇住佢整，叫咗走油，走味精和雞精！多酸菜和酸豆角！中辣！ 份量十足！有成5-6舊厚切魚肉相當鮮嫩，其中有兩塊魚腩，真喺正！ 過橋米線圓潤滑口。老壇酸菜，鹹淡適中，又爽口！ ！ 吃的就是這個味！酸酸辣辣~ e+諗起都流口水tim..推介！ ！ @@紅燜豬手套餐/32元 豬手賣相唔錯，但得個睇字。入品算軟腍，淡品都無味！ d汁水克孟孟， 真懷疑落色素扣兌。送嗰個所謂雞湯，唔飲冇損失，完全是味精水！ 坑爹！！別人叫的酸湯魚/20蚊，睇落都唔錯！ 食完嘢坐陣睇下面d人溜冰，又唔錯！勝惠：￥50（2人） 提醒：若你退卡時想索取飲食發票，就要keep返買餐小票。否則，不能索取到。…查看更多

冇得选择，都喺茶记方便啲！正斗和小小秋食到厌，来到隔离濠江。@@客家咸菜焖猪肉/28元把鬼！！焖猪肉竟然又干又硬，真PK！呢个价，人家“新永旺”可以买两个！仲要好食过佢多多声！@@豆腐火腩/28元友人话唔错！豆腐嗦晒啲汁，入味！咁嘅价钱一个饭餐，连例汤都冇送个，真喺小家！勝惠：￥56（2人）…查看更多

景田北香梅市場“無窮花”，呢個位置和餐館名都喺第一次聽，有啲陌生。地鐵一號線香蜜湖站，D出口，轉的士，唔使跳表，話咁快就到目的地。7點半到步，客人並不多。 。調味醬。揾個位坐低，蹋蹋米坐落又舒服。聽到烤肉滋滋聲，又聞到肉香飄香。個肚咕咕聲，不停吞口水。 。哈~@@拌吉梗，酸酸甜甜，口感清爽！开胃~@@老虎菜，裡頭有多種雜菜切絲涼拌一齊。清甜可口！@@韓國泡菜，當然唔喺進口。但口感算佳，味道偏酸辣！過癮！ ！@@主角當然喺肥牛和五花肉。 。呢碟五花豚肉，色水好靚！ ！可見選材不馬虎！一碟10幾塊，貨真價實！呢幾片喺自己烤嘅！過程好有滿足感！烤到金黃色，肉質煙韌得來又有咬口，一啲都唔un~點埋醬汁一齊食。非常香口！相當滋味！ ！左酒一流！ ！夾兩塊，再左此香料和醬將，用唐生菜包住，放入口中，大大口咬落去。唐生菜嘅fresh和烤肉嘅香口，反差感相當強烈！真喺滿足又過癮。 。 。@@肥牛都好正！肉嫩味濃，輕輕燒炙便立即牛香四溢，令人食指大動！質感爽口，而且油脂香腴！當然唐生菜包拌著食，又另一番滋味！ ！@@石鍋拌飯，落咗泡菜，老虎菜和雞蛋等撈埋一鍋。幾好食！不過略嫌米飯太軟腍。@@冷面，和我食過嘅東北冷面唔同。此冷面都算彈爽。三五好友落脚聚餐好地方。。哈~勝惠：￥536（7人）…查看更多

龍華4號線開通後，加陣去廠都好方便！以前羅湖坐快速巴士都要個零鐘; E+福田口岸搭地鐵4號線，半個鐘話咁快就到龍華站。上個禮拜中與同事 落廠，做完嘢，廠方便帶我們去食lunch… 廠經理話常來呢間用膳，出品可圈可點，特別燒春雞，更是首居一指！ @@燒春雞原本68元只嘅，最近做promo，特價38元只。 雞隻唔大，話喺龍華一間農場特供。隻隻雞都喺飼養130日。 上桌就聞到陣燒烤香味，外層香脆伴著蜜汁和芥茉味纏繞著味蕾， 醬汁味濃而不失雞肉鮮嫩，肉汁豐富，十分美味！ 一隻唔夠喉，叫多只！ ！哈~ @@基圍蝦 OK大隻，新鮮美味！ @@豉椒炒花甲 夠鍋氣，細只咗啲，但都新鮮。 @@豆腐魚頭湯 奶白色湯汁，一個兩碗！鮮甜！正~~ @@蒜蓉水東芥菜 大大塊水東芥菜，清爽！ @@蛋白炒飯 略嫌飯粒生硬咗啲！ 勝惠：￥230（3人）…查看更多

有一班好識揾食嘅朋友，有時覺得真喺幸福！睇下今次食友吹雞去試食嘅呢間牛肉店有乜特別！星期一岩好去元朗嘢，收到其中一食吹雞話今晚深圳打邊爐食牛肉。天氣冷冷o地，幾好提議哦~ 最緊要元朗收工過深圳都近。 。初初以為近羅湖或福田關口，但收到消息話在上梅林嗰頭。好在福田口岸過關，搭4號龍華線可到達。 。 gogogoooo~7點出閘，再搭的士，友人出來接。行過兩條巷仔轉入就揾到。講真唔熟真揾唔到。嘩~~ 有冇咁好生意~ 全場爆曬！友人仲話6半過來等位，已經冇包房和大枱。等第一輪客人走先人張大枱。 。來到友人已點咗個“清湯牛腩煲”！正啊~ 咁Q凍！整碗湯祛寒先~~勁牛味，清甜~！過癮！ ！順便提一提，通常餐廳火鍋都用不銹鋼容器; 而呢家卻用陶瓷煲。陶瓷煲鎖定熱量較為持久，凝聚和散熱較金屬煲均勻。又真喺俾人覺得與眾不同啵。 。@@牛筋呢碟嘢超正！倒落個煲度慢慢熬，啲膠質原令煲湯加分好多！牛筋口感好正！@@手切牛肉新鮮黃牛肉，片得好適合。碌三下，就可食得。口感嫩韌，牛味頗重！食完一碟又一碟咁叫，真喺食餐飽！最後誇張到點食呢？以下有相你睇~~食了8碟！ ！真豪氣真過癮！ ！@@牛肉丸不過不失，一般彈口。白蘿蔔大大舊，好正~~@@牛筋丸原汁原味，走粉！ ！@@炒牛河覺得好食過“潮泰”。牛肉嫩身，又大舊！叫了兩大碟！@@其他配菜大白菜/2，西洋菜/1，炸腐皮/2，白蘿蔔/2@@酒水- 可口可樂/1罐- 白酒“廬山老窖”/2支- 啤酒/半打打完邊爐出來，成身暖笠笠！呢間真喺抵到你唔信！ ！勝惠：￥525元（7人）…查看更多

嗰日下畫經過o埋去試下囉..。 。 電梯二樓就見到，入去客人唔算多。 餐具，工整（不过喺自己擺嘅）。 Menu.. @@昭和拉麵 講喺招牌，當然在試下。兩種口味，就要日式口味。 總體味道，略嫌咸咗啲，最​​好走油走精味！ ！ 份量唔算多。拉麵粗幼均勻，咬落有質感，彈牙+少少韌勁！ 仲有入邊嘅筍乾幾好食！ 溏心蛋唔錯！單叫一粒3蚊。 豚肉，冇咬口，散勺勺感覺，油糟味重。唔好食！ 加3蚊送杯凍咖啡。 沒有wifi。有機會會再來，試下其它。 勝惠：￥28元（1人）…查看更多

開飯大搜查！！第一站出發來到這家。7點半來到，例牌等位。一樓full曬。。等左成半個鐘，上二樓入座。幾間分店分布位置。。@@老鴨湯底（細煲，半隻鴨/48元）隻鴨真材實料！鴨味頗重！湯水味道濃鬱。。煲滾之後一人先飲一碗先。。正！！@@手切肥牛/32元平靚正！唔到你唔信，去左幾次都o系必點！牛肉相當新鮮，入口感覺鮮嫩！又不失牛肉本身o既韌勁，牛味頗重！正~一碟唔夠喉，仲叫多碟。不過因牛肉部位唔同，筋線偏多少少，食落口感無第一碟好食！@@黃喉又系一道必點食材！超爽口，痴牛些少肥膏，入口嚼起身。感覺那種牛油飄香在鼻腔。。@@鵝腸打邊邊又點可以少左呢樣！洗得幹凈無異味，新鮮肥美，相當爽口！@@牛柏葉呢種白色較克色既好食！亦新鮮爽口！@@口水雞又o系推介野！雞肉頗為嫩滑，浸於紅油中，又嗦入麻辣味，諗起都流口水！而當中花生配料亦很好食！不過友人就覺得較“巴蜀風”出品既差d~@@其他配菜@啪青瓜，略嫌紅油多左d..@淮山@蘿卜@凍豆腐@豆皮@金針菇@皇帝菜@娃娃菜@粉絲食好多野，太飽！凈返呢個，食唔落無得退。友人話都唔好浪費，倒落個煲度。但食左少少，粉絲嗦曬d汁，加上粉絲本身實凈，又感得幾好食！勝惠：人民幣348元（4人）…查看更多