minyi1211的个人专页

晚餐去边解决？一于选择静静TX介绍过噶呢间葡京茶餐厅~呢间野其实开左都有几年时间了，次次都系番林和会经过~上到二楼，间野都几大喔，有大圆台同卡座，明亮宽敞~俾服务员带到卡座，点知人地可能岩岩走，张台未来得切执，又要企系度等等等~终于干净可以坐低，要点菜噶时候又耐耐都无人来喔~真系激鬼气~甘大间野，如果分左吸烟同非吸烟区，就好了。后边噶叔叔食住雪茄，隔离噶哥哥抽住烟，成餐饭就好似打边炉甘，我受晒咯~对于我呢D闻唔惯噶人来讲，真系好鬼辛苦啊~当时都快8点了，拿拿林落单先~上菜好快~因为无带相机去，手机相，就将就住睇啦~澳门小姐炒饭 38蚊~价钱稍贵，但当你试过，就觉得物有所值噶了~份量好大，呢碟饭绝对够两个人份~饭炒得唔会太干，食落去就唔会觉得硬了，入边加左蟹籽，所以口感系比较爽口的，有鲜虾同叉烧粒，我最爱啊~仲有蟹柳丝同蛋黄混系入边，成个饭睇起身就系金黄色的，面头再铺上蛋白同鳐柱丝，一捞起身，个饭就会好滑同香口了~仲有三件虾片拌碟，但就好难食了~哈哈~正宗葡式蛋挞 半打/22蚊单点就4.5元1只，我真系眼宽肚窄，太贪心了，食左一只已经唔想再食了~新鲜出炉...都可以，但就唔会话好好食果种咯~同埋一只就已经够晒漏了~好鬼涨胃噶~怀旧樽装原味冻奶茶 300ml 16蚊点呢个完全睇在个樽份上，好得意啊，真系好有怀旧feel,第一次见~我以为系要打开个绿色果个盖先倒出来噶，点知原来系成支直接倒~捞妹出城，请见谅~哈哈~炭烧原只墨鱼 38蚊配噶系葡国油醋汁~墨鱼烧得刚好，就切片上台，表面香口，入边爽口~就甘食有少少热气，同埋食几旧就唔想食了~但点左个葡国油醋汁，酸酸地，又亦时开胃番噶了~埋单114，饱到要爆肚，最爱个炒饭同呢支冻奶茶了，茶味好重，唔系好甜，劲爱啊~下次净系来食炒饭同饮奶茶，都足够满足了~…查看更多

淇乐多应该开左都好长时间了，一直无机会去试~系我印象中一直以为系打边炉的~因为距都系叫火锅城~点知原来有炒菜，仲要生意甘好噶添~上星期，同埋屋企人出来食饭，真系少有，毕竟住天河，好少过来河南呢边食饭~5个人，屋企人一早去攞定位，自己就落班马上过去，估唔到生意几火爆下~之前见网上推荐肉丸，所以就要左一份试试~招牌双丸，一笼12粒，6粒牛肉丸，6粒猪肉丸。都系大大粒，本人比较爱猪肉丸，稍微爽口一D~牛肉丸味道都唔错，呢个招牌蒸双丸，真系唔错唔错，值得推荐啊~炒左个蒜蓉芥兰苗，又唔错喔，有锅气，D菜上台好青绿，新鲜啊~茶树菇炒牛柳，碟头大，材料新鲜，个个都话呢个送唔错~仲蒸左4只带子，5蚊只，呢个就稍微差左DD了，味道唔够，比较淡。仲炒左个唔知咩豆炒牛柳粒，睇来家人好爱食牛了~肉好爽，几好送饭~虽然唔知每个送具体几钱，但埋单总共125，感觉几抵啊，人均先系25蚊，食饱饱，呢度感觉似大排档，但上台噶送都见得下人，味道仲几好添~所以觉得好抵~下次会再来~ 听讲呢度宵夜仲旺人啊~…查看更多

呢间湛江鸡其实同家人都来过几次了~之前觉得距地湛江鸡真系几唔错，但上几星期再同家人帮衬，成日野噶出品都系差差差。湛江鸡58蚊只，鸡无鸡味，完全系靠点噶调料，沙姜噶味道仲系算唔错。其他菜噶出品都完全唔掂，酿莲藕D莲藕唔爽噶，淋到咩甘，都唔知几时整噶了~炒噶鱼扣又唔新鲜，味道超差~炒噶菜心同芥菜好多油，D油好似唔洗钱甘~酸菜鱼入边D酸菜好难食，梅梅地甘噶，但D鱼肉就几滑~当晚10个人食饭，叫左都几多送，但而家忘记得7788了~埋单记得系309，人均30贵就唔贵，但甘噶出品就唔会再回头咯~环境好嘈，食完饭出来成身都系烟味，超难顶~呢间野生意真系比以前差晒，果晚去都好多吉台~屋企人都话以后唔去呢间野食了，甘鬼差，宁愿打车过栋桥过河南食仲有数为啊…查看更多

琴晚落班，坐车坐到棠下站落，本来打算去好又多，点知一落车就觉得饿，所以决定医肚先~又唔想入超市买野食，所以就拣左超市门口噶呢家蒙自源了~过桥米线亦都食过无数次，蒙自源都帮衬过好多次，今次系一个人，所以简简单单，解决晚餐，填饱个肚就算了。要左一个秀才过桥米线，最平噶一款过桥米线~10蚊，服务员将所有配料同米线拿到来面前，再全部野一齐倒入热汤入边~入边有只鹌鹑蛋，少量榨菜丝，韭菜丝，仲有肉丸片同火腿片，呢两样野师傅真系好刀功了，竟然可以切到纸甘薄~所以其实个粉同斋粉无乜区别噶~但汤底味道唔错，唔会好多味精，起码食完唔会觉得好口渴。但粉噶份量我个人就觉得好多了，女仔来讲食唔晒咯~因为唔想食肉，所以舍弃左之前食过好好味噶唔知咩排骨，继续要一份深山竹笋，6蚊，凉拌菜，辣椒油浸住，竹笋好嫩，攞来送粉，好好味，超中意啊~呢个晚餐就16蚊搞掂，好饱好满足~饱饱就去好又多买野了~琴晚去店内顾客唔多，但店内环境可以~…查看更多

上一次噶帮衬，竟然系09.02.23喔~都系落班之后去食晚饭，呢间仙仔位于正佳入边，当时去可能系新开，食客好少~入到去超多位~同埋环境几静下`东东要左梅子绿茶，22蚊，就系距贪食呢粒酸梅，搞到饮完番去就胃痛唔舒服~黑钻珍珠奶茶，大冻，26蚊~算得上系一杯好顶肚噶饮品，有得饮，有珍珠食~匈牙利红烩牛肉饭，30蚊~个饭唔好食，味道感觉有D奇怪~其实就系一份碟头饭~真贵~每次去仙仔必点的招牌炸豆腐~升左价好耐了，8蚊~依然好味，但好热气~呢餐饭埋单就86，仙仔一向无乜性价比可言，真系唔抵，唔好食兼贵~已经半年无再帮衬过仙踪林了~估唔到呢家店而家先来点评，原因竟然系柜桶底揾番张小票~哈哈…查看更多

湖南MM请食饭肯定食湘菜啦~地点位于公司对面湘岳楼~一行9人，订左房，所以几清静同坐得舒服~不过D服务态度麻麻~ 部长点菜全过程都可以面无表情噶~品种较少，菜牌上好多噶菜基本都系无噶~上菜速度又慢，仲要上错菜，本来点左噶双色鱼头都变成剁椒鱼头~识我噶朋友都知我唔食鱼，所以无得评价~但距地可能个个都肚饿了，所以一上台就扫得好快了~无奈噶我唯有食住白饭先啦~ 可怜哇~ 钵仔装住，几有特色~酸辣鸡杂，全晚我最爱噶一个送~ D鸡肾都系切到细细粒，但味道真系好正~爱辣噶我回味紧呢道送~唔知咩土鸡，好大个盘装，鸡好入味，超级辣~ 湖南MM话味道还可以，但我地广州人食真系会顶唔顺啊~唔知咩杂菌煲~ 好多菇菌~ 唔辣~ 湿湿地，好送饭~可能系叫铁板豆腐干，味道唔错，豆腐几滑，面头有D孜然粉~香~呢个唔知咩八合，入边有八样野~等我回忆下先~ 木耳，冬菇，蛋卷，火腿，猪润，笋哎....食完甘耐先写，真系谂唔起仲有D咩了~因为多人食饭，我都唔太好意思个个送都影相~后尾上噶小炒黄牛肉同手撕包菜，味道都唔错噶~价钱最贵系鱼同鸡~ 食饱饱拍拍PP走人~…查看更多

我地到噶时间已经比较迟，所以上到去就马上有位了，还好，系卡座，坐得都几舒服，但灯光偏黄，坐得耐会比较想训教~因为当时行完万菱买礼物赶来食中午饭噶，所以一坐低马上点野食了~三个人，先系3杯畅饮~6蚊位，可能任饮喔，基本每台都会点噶了~选择噶有好多，可乐，七喜，美莲达，冰爽茶呢D肯定有噶~咖啡，奶茶呢D有热有冻，仲有热朱古力，同其他好多噶选择~所以6蚊/位畅饮就真系好抵了~但呢间店好似无茶包，无得冲茶饮，但距就有冰水供应~海带丝，依然要点，仲要点两碟添，4蚊/蝶呢个价钱真系几抵噶~份量唔细，主要系好好味哇，但感觉色素就比较重咯~一个肉酱面，9蚊，味道几好，份量一个人绝对食唔晒（女仔食量）酸酸味味，粉会比较涨肚的~奶酪培根面，10蚊，又一个好漏噶面，男仔食完饱晒~PIZZA我最爱食金枪鱼蛋黄酱的，19蚊噶价钱，真系抵到烂~连我呢个对PIZZA唔热爱的人都成日挂住呢个PIZZA，味道真系好好~金枪鱼配上好好味噶蛋黄酱，超级无敌正~不过我都系食两件就饱晒肚了~呢餐埋单64蚊，三个人食，超级饱。萨莉亚真系平民PIZZA啊~少少钱食多多野，店内其他选择都好多，人多来食先可以试得比较多款式了~…查看更多

妹妹想食烧烤，就一于同距去试下呢间江湖烤肉了~我地到店系下午五点左右，店内除左员工系未有顾客的，我地两个好似包场甘。店内全部都系卡座，坐得好舒服。点左江湖一绝独霸天下料理---秘法猪五花，28蚊/碟上台一睇，好靓喔，切得好靓，好似太阳花甘，但烧起就麻麻好食~D肉唔会太爽口点猪五花会送多份生菜的。四季鲜蔬烧肉绝配蔬菜---鲜藕片，10蚊/份切得好薄，烤起来会好脆口，次次烧烤都必点啊~两个人烤完呢D仲未够，所以加多一份四季鲜蔬烧肉绝配蔬菜---菌临天下，22蚊/份入边全部都系菇类，有金针菇，鸡比菇等等，有好多种啊，我都唔识分~但烤起又几好食喔~但感觉江湖D酱无甘好味，仲要得两种调料，呢样感觉麻麻了~茶位2蚊位，我地饮左起码有3壶茶，饮水饮饱啊~总共64，打折后61蚊，感觉几抵，食得好饱，有得刷卡~结帐后每位俾一条绿箭，呢点几满意~谂得几周到~以后再会来烤烤烤~…查看更多

环境真系好到无得讲，我地选择二楼噶两人座位，因为不会位置有不同低消啊。点左个双人英式下午茶~68蚊，有三件蛋糕，仲有芝士球，薯条等等及两杯热饮，D野食真系好麻麻，只觉柠檬水好好饮~！服务都唔错，可以无线上网，环境清静，悠闲甘享受下午茶，确实系一件乐事！环境虽好，但价格感觉比较贵~ 唔太有想去的冲动…查看更多

五一时候，同小东同学行白云山，累累地，落到来，就去沙河粉村！唔去唔知，我竟然未去过~痛哭...下午时候差唔到三点了，生意好好，仲怕无位，点知上到二楼好多~可能饿噶缘故，先叫一碟湿炒牛河，18蚊，味道偏淡，大大件牛肉，份量仲系几多下噶~~小东同学要食干蒸，呢个简直系明智噶选择，12蚊，大大粒虾系上边，D肉又爽口，真系好正~我再罗多碟白云凤爪，又系12蚊碟，份量够多，但味道就麻麻！好似系2蚊位茶，埋单46，好饱好满足了！…查看更多