单翅膀在飞翔的个人专页

基本上每个月都会嚟两三次呢度饮茶，环境都唔错，不过人非常多，要一早嚟等位。服务态度都几好，同埋依度啲冷气好劲，要带多件衫嚟着。呢度每日都有1蚊嘅特价点心，每次都系嚟食干蒸，味道都唔错，好多肉汁，都唔会干巴巴。仲有个酥皮奶黄包同炸馒头都唔错，细细个，里面啲奶黄好好味，炸馒头唔会话食到成口都系油，再点啲炼奶，味道唔错。…查看更多

过年果时嚟过一次，果时开张无耐，服务员都系啲新手，上菜好慢，兼且成日都上错地方。到左依家都有啲改善，依然系好多人系度等位，环境都keep住可以，不过地方就细左啲。同之前相比依家都出左唔少新品种。香芒椰汁糕依旧咁中意食，好香芒果嘅味道，口感好滑，又唔会好甜，食多都唔会觉得好漏。今次试左个红米肠，都几多鲜虾，味道都唔错。…查看更多

以前经常到美心西饼度买面包同蛋糕食，出品都唔错。依间美心阁都系美心集团旗下嘅高级酒楼，出品应该都唔会差得去边。环境无得顶，无论系餐具定系装饰布置都好靓，比人一个舒适嘅感觉。而且服务员热情招待，好主动咁埋嚟帮你加水。试左几个菜，其中拿破仑真系无得顶，好好味，而且份量都好足，口感好酥脆。仲有个拔丝咕噜肉味道都唔错，好大旧排骨，肉比较多，味道甜甜哋，不过价钱就好贵，四个人食左六百几蚊。…查看更多

之前有个同事生日，因为佢平时比较大头虾，所以有人就提议嚟依度食饭庆祝。呢度环境都唔错，见到有好多东南亚人嚟依度消费，出品应该都几正宗。服务都几到位，但系多人嘅时间，服务员都忙到唔得闲理你，要叫多几次先睬你。麻油鸡，味道好香，肉质非常嫩滑，仲要无咩肥糕，好正。仲有好多人点嘅咖喱蟹，只蟹都几肥美，肉都几多下，咖喱味道都几正宗。…查看更多

听朋友话呢间法国餐厅唔错，出品都几正宗，今晚终于有时间嚟依度试下啦。呢度环境都唔错，布置得几有情调，舒适优雅，适合同爱人一齐嚟依度共进晚餐。法式梳乎厘，出品都几精致，就一只茶杯仔咁上下嘅份量，软绵绵嘅口感，入口即溶，食多都唔会觉得饱，只会觉得有啲漏。勃艮第西冷配波尔多汁，卖相都几靓，个酱汁味道都几好，肉质好嫩滑，价钱相当贵，两个人就食左四百几蚊。…查看更多

一间老字号酒家，细细个就跟住爷爷嫲嫲过嚟依度饮茶，仲记得以前好中意去依度买红色嘅莲蓉饼，净系食里面嘅莲蓉馅。依家大过咗就带翻爷爷嫲嫲过嚟依度饮茶，环境都无点变，仲系好有以前嘅风味。人仲系十分多，等左一阵先有位，不过服务态度都几好。点左以前最爱食嘅粟米饼，味道依然唔错，好香嘅粟米味。凤凰流沙包，新鲜出炉，热辣辣，面包皮好松软，里面啲陷好正，以后仲会再嚟。…查看更多

一间比较高级嘅酒家，价钱都几贵下，但系环境同出品真系无得弹。呢度装修得很靓，座位间隔相当阔落，服务员态度都几好。呢度啲点心好精致，卖相一流，味道亦都好好味。虾饺里面嘅鲜虾够晒爽口弹牙，仲有啲肉汁流出黎。萝卜糕煎得好香口，加上腊味嘅香味，味道唔错。豆豉蒸排骨，肉质都几嫩滑，不过就真系好贵咯，耐唔耐一餐就得嘅。…查看更多

周末嚟三楼饮茶，好多人啊，等左半个钟先有位。呢度环境无得顶，价钱还可以，性价比都几高。一品燕液虾饺皇，味道唔错，有好大只鲜虾。八达酱皇蒸凤爪，焖得好淋好入味。金网脆皮红米肠。口感都几丰富，又软又滑又有啲脆。招牌相思葡挞，新鲜出炉，外皮好酥脆，味道唔错。黑松露鸡汤小笼包，一口咬落去，里面啲汤汁流晒出黎，味道好鲜美，真材实料。…查看更多

一间好老字号嘅酒家，环境好好，依山傍水，古色古香。最中意就系坐观景位，一边叹茶一边可以欣赏锦鲤。下午三点几去到唔系太多人，都仲有位，不过大多数都系老人家去帮衬。服务员态度都几好，冲茶倒水都几快手。点左依度比较出名嘅泮塘马蹄糕，味道比较清甜，甜得嚟又唔会太漏，爽口弹牙。仲有其他比较有地方特色嘅咸煎饼味道都唔错。…查看更多

呢度环境唔错，无其他酒楼咁吵杂，几舒服的，坐嘅位置也感觉不到拥挤，挺宽阔的。出品都唔差，早茶品种丰富，味道亦好好，好有港式风味。服务就一般啦，非常多人，周六日经常都要等位，分分钟要等成个几两个钟。呢度有梳乎厘，质感软绵绵，好似棉花咁，入口即溶，食多都唔会觉得饱。仲有虾饺烧卖都唔错，皮薄馅靓，下次会继续帮衬。…查看更多

之前朋友嚟依度摆酒，出品都唔错。今晚再同屋企人嚟依度食晚餐。呢度环境唔洗讲，地方好大，金碧辉煌，装修好豪华，服务态度又好好，不过呢度价钱就贵左啲。锦绣烧鹅拼盘，好正，烧肉个皮好酥脆，叉烧味道几好，肉质好嫩滑，烧鹅亦都好好味，不过份量就好精致。美果蜜汁骨，个排骨炸到好脆，味道有点甜。乳香葱油饼，南乳味道好香浓，不过口感一般般。…查看更多

呢度环境都真系一般般啦，好有田园嘅味道，食材好新鲜，价钱都几抵。7个人食左两百几蚊，出品都几好。白切鸡，肉质好嫩滑，都几有鸡味，又唔会有好多肥糕。铁板鲜鱿，洋葱同青椒嘅味道好突出，鱿鱼好爽口，一啲都唔韧。豉汁炒花甲，炒得都几野味，不过肉就少左啲，得翻啲壳。干炒牛河，味道比较淡，油多左啲，食完只碟仲有好多油。…查看更多

呢间餐厅无论室内定系室外环境都唔错，夜晚都几有情调。服务态度都加好，招呼周到，上菜都几快手。奶油白汁鸡扒烩意粉，味道唔错，鸡肉都几嫩滑，意粉软硬度适中，唔会话煮得太淋。青木瓜鲜虾沙律，味道酸酸甜甜，都几开胃，而且好爽口，只虾都几大。椰香鸡汤，好香浓嘅椰子味，不过饮落有啲漏。沙爹牛肉串，唔系好中意呢个沙爹味道，肉质还可以。…查看更多

离公司比较近，有时中午就会过来吃饭。环境很不错，价格还可以，服务态度很热情。这里主打顺德菜，听说很多师傅都是来自顺德的，地地道道的顺德菜。煎焗鱼骨腩，外皮煎得很脆，金黄色的，肉质很鲜嫩。糖醋鱼块，色彩红彤彤的，很鲜艳，味道酸酸甜甜，很开胃。顺德拆鱼羹，味道很鲜美，配料也很丰富。下次还会再来。…查看更多

这里装修比较简单，中午去的时候客人不是很多，环境比较安静。服务员态度还好。日式焗鲜鲍鱼，细细只，味道还可以，有点鱼子酱在上面，鲍鱼比较爽口。芝士焗西兰花，芝士味道不够浓，味道比较清淡。三文鱼刺身拼盘，切得挺厚的，但口感不太新鲜，味道一般般。肥牛拉面，肥牛挺好吃的，但味道一般般。…查看更多