兩個月前已經同好友約定，北上Hea下順便同其中好友一個慶祝生日。我哋一早諗定去皇庭廣場果邊行下，因為皇庭廣場有好多不同種類餐廳。過完關，坐地鐵三個站就到超方便。問壽星女想食乜嘢，佢話最想食韓燒，於是就來呢間東洞烤肉大排檔試吓。其實北上食飯有時都可以好伏。我哋去到餐廳門口觀察下都好似唔錯。掛住好多肉排… 好似舊式大排檔，入面裝修都好有特色。我哋三個女仔唔屬於係大胃王，睇下個Menu見到午市招牌推薦2-3人套餐包括：招牌熟成豬肉拼盤牛肋條炸鷄+ 烤制3 選1 ：東洞蒲燒鰻魚料理 3 選1 揀 ：拉絲土豆培根煎餅主食2選1 : 牛肉石煱拌飯/ 海鮮湯 仲包埋2 杯無酒精飲品。咁多嘢食3 個人食應該夠！於是點左呢個餐同埋另外加多左杯飲品！前菜都有六款。另外仲有3 款醬汁及3 款蔬菜拌烤肉。服務員姐姐先上牛肋條… 之後幫我地煎埋，完全唔使我地煎… 有專人服侍太正！👍🏻不過牛肋條有啲肥… 味道唔錯。煎完牛肋條就開始燒鰻魚… 呢個蒲燒鰻魚值得讚… 烤完後服務員姐姐淋咗個汁，外脆肉滑好好味！呢個下次可以encore 😋跟住另外一個服務員就送來牛肉石煱拌飯，我掛住食美味鰻魚，完全忘記影個飯😑唯有補張去左個飯碗度嘅相。個飯幾好味嘅不過好似冇乜牛肉… 之後就到戲肉，開始烤熟成豬肉拼盤。豬腩肉大大件，但烤完之後變到好細件🫤好似食緊煙肉條。最後就上埋拉絲土豆培根煎餅，口感就係食緊薯餅咁，脆脆地煙煙韌韌。呢個招牌套餐3個女人仔其實係食唔曬！最後個服務員話送我地額外杯飲品。大家都抱住個肚出門口😂😂…查看更多
