kumaveggie的个人专页

星期日下晝，我同朋友出發去位於長圳站附近嘅光明N次方公園商場食炭火烤肉😋 到達長圳站後從A出口出嘅話就好容易會搵到商場入口，之後直接搭電梯上4樓就會好容易見到餐廳門口，非常方便😄我哋好好彩唔使等位就可以直接入座😄 我哋叫咗韓式風味嘅烤肉雙人餐，雙人餐裏面包咗秘製豬扒肉、橡木果豬五花、南美白蝦、墨魚腸、雲南小瓜、土豆片、洋蔥牛肉拌飯、包肉生菜，而前菜就有泡菜、蘿蔔、豆芽等，而前菜係任食嘅☺️ 我鍾意食泡菜，亦覺得佢哋嘅泡菜整得好唔錯，所以淨係泡菜都添咗幾次😆😋我哋點菜後店家好快就將食物全部送上，服務速度同態度一流😄👍喺木炭上烤肉有另一種風味，我覺得係一個唔錯嘅體驗😄我同朋友之前從來未食過墨魚腸，今次試過之後一試難忘，下次都會再叫😋之前亦未試過烤土豆片，我哋將土豆片烤到口感好似炸薯片，感覺好得意☺️ 我覺得秘製豬扒肉同埋豬五花都有一定嘅水準，而洋蔥牛肉拌飯嘅份量好足，我同朋友兩人都食得好飽😄 除咗食物味道同份量唔錯之外，餐廳室內設計亦頗有特色☺️ 店內空間亦足夠，坐嘅地方亦都舒適寬敞，令到我哋可以好舒服咁慢慢享受呢個美味嘅韓式風味烤肉雙人餐😋…查看更多

四月一個星期五，我和朋友由香港去深圳過復活節假期😄由於只係食咗一個簡單午餐，我哋決定食一個較早時段嘅晚餐，所以我哋下晝五點前已經到達老城鮮-小海鮮貝貝煲火鍋餐廳食晚餐🤣我哋比較肚餓，所以點咗滿滿一台嘅食物😆 食物份量唔錯，火鍋湯底有好多貝貝，好鮮味，我同朋友都食得津津有味😋😋🥰 蝦滑都好好味，我同朋友都好鍾意食😋我哋點咗唔同部份嘅牛肉，諗住試吓睇吓鍾意食邊部份嘅牛肉多啲，下次就重點叫嗰啲部份嘅牛肉食😄我哋都點咗豬肉，覺得味道都好唔錯，好啱我哋口味🥰😋👍我同朋友都好鍾意食老城鮮貝貝煲火鍋，對於我哋嚟講都幾抵食☺️ 店員嘅服務態度一流，照顧周到，上菜好快😄下次返深圳都會一定再食😆😋👍…查看更多

我和朋友星期六約下晝五點幾就去到KKone白玉串城總店食串燒😄由於我哋五點幾就已經到達，所以根本就唔使排隊，就可以直接入座😄我哋建議如果唔想排隊，就最好六點前已經到店☺️店舖面積都幾大，坐嘅位置寬敞，可以坐得好舒服，擺埋袋同手信都唔會覺得迫😄店員亦都勤快有禮😄我哋點咗唔同嘅串燒，包括招牌白肉串、牛肋條串、羊肉串、雞脆骨串、黑豬梅花肉串等等，又有品嚐元貝和生蠔，非常好食😋😋👍性價比好高，係我哋每次返深圳都必食嘅串燒店😋👍…查看更多