想喺大陸搵間「雞有雞味」、環境夠潮又抵食嘅粵菜？廣州嘅「銘少吃雞專門店」絕對係港人必試首選！作為竹溪飲食集團旗下年輕品牌，主打「跑步雞」——每日喺肇慶山頭跑足8粒鐘嘅走地靚雞，肉質緊實，連馬來西亞華僑食過都大讚「雞味十足」！今次開飯覓食小隊就嚟重點推薦幾道招牌菜，供各位食客參考。
💖必點招牌
1️⃣ 【明火香茅脆皮燒雞｜半隻¥78】
馳名廣州嘅「卟卟脆燒雞」係鎮店之寶！師傅用砂鍋猛火逼出雞油，外皮脆到「咔嚓聲」，好似食薯片啊！肉質Juicy嫩滑爆汁，仲加入香茅提香，上桌時熱辣辣冒晒煙～
夾埋泰式甜辣醬，鹹香帶微辣，食到覓食小隊狂呼：「脆皮仲正過深井燒鵝！」
2️⃣ 【雞皇薑葱煲仔飯｜¥48】
老廣最愛嘅「邪惡碳水」！用絲苗米加雞油慢火煲煮，飯粒分明帶焦香，面頭鋪滿雞肉同薑蔥油，撈勻後每啖飯都沾滿雞汁精華，底層仲有金黃飯焦，脆口程度媲美各大煲仔飯專門店～
小紅書食評激推：「加¥10追加雞雜撈飯，雙重雞味暴擊！」
3️⃣ 【夠鑊氣菜心炒雞雜｜¥48】
鑊氣直逼大排檔！雞腎、雞肝爆炒到爽脆彈牙，菜心專揀「手指尾」嫩段，蘸埋秘製豉油王，鹹香惹味，秒清盤。有肉有菜，滋味十足！
4️⃣ 【雪糕寶寶雞｜¥16】
香甜可口嘅芒果雪糕整成廣東省博物館嘅鎮館之寶——白切雞！造型非常精巧，連雞皮嘅紋路都十分清晰。細細一隻難怪稱之為「寶寶雞」。造型可愛，最適合用嚟發社交平臺呃Like！