同甘同味 (小北)

今日中午去完市一探老豆...本来想贪就脚去越富三楼饮茶..
点知果度多人到死..咨客居然够胆死同我地讲话起码要等两个钟头..
无奈之下,,惟有打的去嬷嬷同细佬都力赞既同甘同味试下喇..

去到发现原来之前已经黎过呢度食过饭..不过之前好似唔系呢个名..Maybe换左老细挂..
一入门口有好多绿色小盘栽..养眼..
不过电梯好搞笑..点解有上无落既??想省电??定系摆阵么??

可能我地去得唔系时候..二楼超多人啊..惟有上三楼咯..
不过感觉三楼气氛无二楼甘好.而且比较热..
加上三楼有包间..D人成日行出行入..好鬼烦..

奇怪既系..我发现有好多后生仔[其实都唔算太后生..二字尾三字头果种咯..]系度食中午饭甚至饮茶啊..真系好怪..呢D年纪中意饮茶架么?而且通常都系一围台都系呢种后生..
反而阿姨妈妈级既师奶军团好少..Maybe聚集晒系二楼..哈哈..

跟住我细佬就手快快落住张单冲左落二楼..
我正好奇点解有得叫人落单距都要自己郁手罗野既时候..
只见距已经翻紧上黎..身后既服务员姐姐手捧住八碟寿司上黎..
我惊呆了...
居然甘搞笑啊..系饮茶既地方你同我食寿司?!?质量有保证么?

系我将信将疑既目光下..细佬大啖大啖甘食..一口一只..
我见距食得甘过瘾..都忍唔住夹翻旧..
一般咯..但都入得下口..
问距几钱碟...距含糊其词甘答我"8蚊啊..不过买一送一..两点前.."
哦哦..围埋条数4蚊一碟..2蚊一旧..可以接受既..

跟住我都唔理距..自己落点心喇..
4个人..要左一笼牛肉丸..一笼凤爪..一碟炒萝卜糕..仲有一碟日芥炒虾米肠..
加埋之前D寿司,连茶位一共97蚊..
个人感觉有D贵..
因为味道唔见得特别突出..环境又唔系特别出众..
系个日芥炒虾米肠比较得意D之外..其他都系同普通酒楼差唔多啊..
但Maybe系天河有分店..要统一标价啊..所以比较贵咯..
后来翻到屋K听人地讲牛仔骨系招牌..下次有机会既话就试下咯..

落楼既时候,,我又一次惊呆了..
居然头先有上无落既电梯变左有落无上了..仲要系同一条电梯变身既!!
OH...堂堂一间酒楼总店..甘样做未免寒酸左D吧??

仲有一点我觉得比较诡异既系..需要发票既客人距会要你亲自去二楼柜台凭小票换..
都系果句..堂堂一间酒楼总店..甘样做未免寒酸左D吧??
D员工难道懒到连小小上落楼都唔肯代劳么?

同甘同味 (已結業)