影片
更多
2012-09-27
8 瀏覽
好耐都无去Cafe107探下D Pizza啦，挂住D鸡蛋汁培根通心粉同埋个大虾Pizza，于是Date埋老友花姐一齐去食Pizza~其实广州有好多呢类型的小店，天河南同江南西更甚，但系呢，能够牢牢抓住我的，可能就系呢间店了。赞同呢度的出品，赞同老板的观点，赞同距地对待食物同对待客人的态度。真的，如果想对自己好D，就一定要黎呢度试试，试下D出品，试下同老细倾计，试下用心感受距地果份纯粹为左健康而去做的烹饪~~今次黎到，老细介绍最近推出了几款新菜式，话要我地试下抛弃大虾Pizza改试新菜，唔好食唔收钱甘话啵~又好，反正试试无妨~于是就由老细发板，我地两Pair人，分别点了一个沙律，两份Pizza同两份意粉，另外两个女仔仲各试了一杯鸡尾酒~大虾沙律，用的系妈网网友之前去试吃推荐的油醋汁，对于我黎讲就够晒醒神了，最中意添。但系凡事都有两面，亦都有TX唔系好接受到呢种味道，所以，我觉得大家一定要试试，因为凡事有人弹又有人赞的话，距一定系已经具备左一定吸引力了，哈哈~帕斯图酱海鲜意粉，其实帕斯图酱就是青酱啦，主角系新鲜罗勒叶，老细话宜家罗勒越黎越贵啊，我问距点解唔用干罗勒代替，距二话不说就入厨房罗
其实广州有好多呢类型的小店，天河南同江南西更甚，但系呢，能够牢牢抓住我的，可能就系呢间店了。赞同呢度的出品，赞同老板的观点，赞同距地对待食物同对待客人的态度。真的，如果想对自己好D，就一定要黎呢度试试，试下D出品，试下同老细倾计，试下用心感受距地果份纯粹为左健康而去做的烹饪~~
今次黎到，老细介绍最近推出了几款新菜式，话要我地试下抛弃大虾Pizza改试新菜，唔好食唔收钱甘话啵~又好，反正试试无妨~
于是就由老细发板，我地两Pair人，分别点了一个沙律，两份Pizza同两份意粉，另外两个女仔仲各试了一杯鸡尾酒~
大虾沙律，用的系妈网网友之前去试吃推荐的油醋汁，对于我黎讲就够晒醒神了，最中意添。但系凡事都有两面，亦都有TX唔系好接受到呢种味道，所以，我觉得大家一定要试试，因为凡事有人弹又有人赞的话，距一定系已经具备左一定吸引力了，哈哈~
帕斯图酱海鲜意粉，其实帕斯图酱就是青酱啦，主角系新鲜罗勒叶，老细话宜家罗勒越黎越贵啊，我问距点解唔用干罗勒代替，距二话不说就入厨房罗左一片新鲜罗勒叶同一罐干罗勒出黎，先撕少少鲜罗勒比我试，哇，果然入口清新，用黎醒神一流吖！而打开罗勒罐一闻，马上觉得唔得，完全唔系果回事咯~~所以顿时明白老细的用心良苦啊~~
牛肝菌蘑菇Pizza配忌廉汁，其实汁料就有两种可以拣的，分别系忌廉汁同番茄汁，番茄汁就会香D咯，老细介绍话外国人多数都系直接茄汁底再加少少芝士上面做成玛格丽特Pizza，再加一杯啤酒就已经可以好满足了。如果牛肝菌的话，我觉得加上忌廉汁会更加滑~所以我都系无接受到老细的意见拣左忌廉汁，不过出黎的效果自己都几中意，哈哈~
青酱迷迭香鸡肉蘑菇Pizza，同样都系讲究调料的运用。PS：老细知道我可以接受少辣，所以加左一D青红辣椒调味，会比斋鸡肉蘑菇惹味得多咯，哈哈哈~
牛肝菌忌廉意粉，因为有红辣椒的关系，火喷喷的感觉好正啊，估唔到辣椒同牛肝菌都可以甘夹的！结局？当然系清盘啦！
跟住老细话甘高兴，调翻两杯鸡尾酒比我地试试甘话Wor，本来我想试mojito的，不过可惜当日的薄荷叶用晒，唯有留有悬念，下次再试啦~
彼岸花，估计系因为杯酒的颜色系血红色而改的名字吧，酒精浓度感觉唔高。因为平时比较少饮鸡尾酒，所以对于酒名，来历，制作用料等都唔系好了解，如果有妈网网友可以普及一下的话，不胜感激~（PS：唔知呢杯系咪传说中的血腥玛丽呢？？）
天使之吻，隔住浓浓的忌廉泡沫轻轻饮一啖，先系忌廉泡的甜蜜，再到下面烈酒的霸道，最后两者融合，感觉好得意！恕我直言，饮呢个的时候我真系谂起茶猿的浮云，哈哈~
同一班好友休闲度过一晚快乐的时光，分享美食，分享知识，我谂呢D就系吃货的乐趣吧~
帖罢，欢迎灌水~
張貼
