到去咁远吃餐饭，广州咁多好的酒店唔去偏要去个度，讲真果句，酒店系高级啊，
可惜吃噶嘢真系好差咯，好普通的菜式，价钱虽然都唔算贵，但系真系无必要去到
咁远。不过都好，等我地见识吓世界嘛，睇吓人地霍家举行婚宴的地方。
环境就真系好好噶，装修富丽堂皇就唔在话下，因为附近真系无乜建筑物，所以比较
舒服、安静个只，系度度假的话就系唔错噶。
系甘高级的酒店，当然服务都系一流噶，不断咁有服务员问你需要添加乜嘢饮品之类
的，而且反应都好快，招手就马上到。
白灼虾，个头比较细，而且色泽都唔够鲜红，分量系几足噶，味道还可以，唔算太鲜
味个只，但都唔至于太差啦。
鸳鸯鸡，呢只鸡就真系麻麻地，鸡质本身就系比较一般个只，肉质唔够结实，而且鸡
好细只，比较嫩啦，吃起来唔香滑，无乜鸡味。豉油鸡都麻麻地，豉油味唔鲜。
小炒皇，宴席居然系吃呢个，分量真系好足架，炒得都几香几有锅气，要来送饭就差
唔多，就咁吃，觉得好似好怪，倒不如吃丁。
南瓜盅，造型就真系好靓好吸引，里面装的系排骨来，斩得好大件，而且绝对唔系新
鲜排骨来，肉质好多，而且稍觉肥腻，金玉其内，败絮其中。
芥菜香芋煲，香芋就几粉几香，芥菜都新鲜，不过就无乜菜味个只，而且应该放D白
贝之类的海鲜增加鲜味先啱。
上汤娃娃菜，上汤的味道唔够鲜，不过娃娃菜就几淋甜噶。
黄金炒饭，觉得D饭炒得唔够香，虽然睇落系粒粒均匀，主要米饭都唔够香软个只，吃
落比较干，系太干咯，而且配料都唔多，无乜鲜味。
全程基本系吃斋咁，来山卡拉的五星级酒店吃斋，我地真系好无语。
