个度地方真系好大，临近就系南沙客运港，听闻系专门为酒店而设的，环境确实优美，附近都无乜建筑，空气比较好。
酒店大堂位于一楼，外面有个喷水池，不过晚上睇得唔清，而且无太多时间参观。
宴会厅位于负一层，入门的时候无想象中咁豪华，只系色调会比较金碧辉煌。
宴会厅都无想象中咁好，地面都系地毯，行起来好舒服，不过里面感觉比较细，地方唔算好大，或者我地公司摆得唔多，无全部开放，只系开放一部分；天花板的吊灯确实系好豪华。
服务的质量唔错，服务员都比较醒目，果然专业培训的就系唔一样，不过有部分的系阿姨级人马呢，唔同系继续香港的“传统”？
等咗好耐，终于上菜啦，当时见到发热手巾就知道好快会上菜了。
首先，白灼虾来啦，分量系几足吓，不过虾睇落好细只，而且闻起来有小小腥味，好在吃落都好新鲜；
茶树菇龙骨汤，服务员亲自一碗碗装，连汤料都一大碟呢，个汤好香呢，用料丰富，火候足，饮起来唔错；
鸳鸯鸡，白切鸡和豉油鸡，白切鸡掌握的时间唔错，肉质好嫩滑，蘸D姜葱就更加好味；豉油鸡就麻麻地啦，唔够香，肉质又唔够滑；
西兰花炒牛肉，牛肉好滑啊，不过系放太多生粉了，口感好似好糊口，西兰花就好新鲜，特别翠绿，而且爽口呢；
小炒皇，有花生米、虾米、炸鱼仔同韭菜，韭菜的味道好浓，而且好新鲜，炸鱼仔就偏咸小小；
清蒸桂花鱼，条鱼睇落好新鲜，火候掌握得好，肉质鲜甜，口感嫩滑，唔错；
芥菜芋头，芋头唔够香呢，净系得个粉，芥菜又唔够苦，麻麻地；
南瓜盅，卖相唔错，好想吃南瓜呢，不过我净系吃到里面的排骨，排骨好好肉，而且焖得好入味；
燕麦包，睇落好细个呢，不过吃起来好松软，上面的燕麦好有口感，里面系叉烧馅，吃起来唔错，唔会话好多芡汁个种。
总体来讲，环境真系唔错，到处都系咁干净，一尘不染，而且服务好周到，里面又够好；就系出品就麻麻地，完全体现唔出五星级的出品。毕竟系五星级的酒店，如果价钱偏低的话，食物就比较斋，好似我今次的年会咁，真系觉得出品不怎么样，所以我始终觉得，去远的不如吃好的，只要面子功夫真的不实际啊，去咁远的五星级倒不如在广州的五星级。
