仙慕岛 (已結業)

查实严格D来讲，呢间唔响北京路上，而系北京路银座转左果条禹山路，好难俾人发现，不过都到北京路都系几步之遥噶啫。

除咗午晚市火锅自助，仲有宵夜，价钱都唔多贵。起码响北京路附近来讲好难揾呢D咁噶价噶。

中午去得早，楼上自助餐厅空寥寥，环境麻麻，座位有小小逼。

火锅

食噶嘢都几多下噶，牛肉片系要落单点，其他都唔使，随便拿，有蔬菜水果，肉类等，肉类鱼头鱼片都几新鲜噶，金针菇香菇等都系无限量供应充足，锅底我地要噶清补凉，味道都几好。

食到后尾，成碗牛肉羊肉片食唔晒添，但要讲噶系酱料品种比较少，而且都系酱油，生油，呢D。中午48蚊一位，唔限时食得都几招积，有冷气同WIFI，但wifi上网较慢，服务员得2个，好彩食客唔多，能应付得来。