表少茶餐厅 (已結業)

呢间茶餐厅开左系外经贸大厦都几耐啦，我虽然系附近返工，但是一次都无去过。礼拜六例牌饭局，和同事食厌左真功夫，想转下口味，就来呢度试下啦。因为系周六，门口嘅优惠套餐都无得点，所以只好单点啦，我点左个牛腩粉，好似19文，牛腩都系坑腩，焖得几霖；同事点左个黑椒牛柳饭，炒得够火候，闻起来几香；我地仲点左一笼凤爪，但是蒸得太耐，太霖啦，几乎一夹就散。总体来讲，呢间野无乜惊喜，偶尔食下都ok。