向群飯店 (文昌南路)

听讲呢间向群饭店系总店嚟嘅，可以都有一段时间嘞，店面唔算好大，装修唔新，但环境都几整洁卫生，不过由于客人好多，所以都几嘈杂。服务员通常都系D上咗年纪嘅阿姨，但动作一样好迅速，上菜够快。点咗一份酸甜骨，卖相就已经好吸引，颜色够鲜艳，味道酸酸甜甜，相当可口，但系酸甜骨里面嘅骨偏多，肉偏少，需要改进一下。另外炒牛河亦都值得尝试，牛河炒得好干身，唔会好油腻，牛肉唔多，但腌得要入味，肉质够软滑。