大家樂 (信和廣場)

大家乐喺广州开咗好耐了，我多数帮衬依间分店。店面唔细，相对少人啲，舒服啲，而且有WAFI。
价钱相对其他连锁快餐来讲唔便，但出品唔错，而且经常有新菜式变换，分量亦唔少，所以都算物有所值嘅。
中意食佢嘅套餐饭，粉面就做得一般，少食。猪扒饭都算系佢嘅招牌款式了，大大件嘅猪扒，炸得酥脆，几好送饭嘅。咖喱牛腩饭几惹味，不过有啲人觉得佢辣咗少少，我中意辣啲。至于饮品就奶茶还好，咖啡就麻麻地，红豆冰都唔错。
家阵物价升得快，好多快餐闲闲地都十几蚊，且出品麻麻，所以有时情愿贵啲帮衬大家乐了。