我地知道大头虾一向以来都好多人去食嘅，所以我地决定11点半左右就去到，甘就一定唔洗等位啦。去到时间岩岩好，刚好有卡座，位置好正，不过空调唔凉，有d热热地。
好吧，朋友们一齐点餐，商量左好耐，好似每样都想试下。于是3个人点左5样野食，都几犀利下咯。
首先上黎嘅系咖喱牛腩，有火热住，唔洗结挞挞~ 牛腩都几多下，焖得好入味，几淋。咖喱好正啊，可惜白饭仲唔上黎。
白饭上黎啦，捞上咖喱汁，太好味啦，咖喱同白饭系绝配啊。
然后上左冬阴功汤，都系有火热住嘅。罗勺子搞搞，里面好多料下，有虾，鱿鱼，冬菇~ 汤好酸辣，好开胃，虾真系好多，而且几爽下，几新鲜。
麻油鸡，几乎每台都点吧，算系招牌菜。保持水准，鸡皮唔肥，几爽添。鸡肉几嫩滑，好食，可以适当加d香料落去。
牛油焗西兰花，牛油超级多啊，食完d西兰花都仲有好多牛油系度。味道唔错。
朋友未食过芒果糯米饭，特意点左份黎试下。几有泰国特色哦，芒果几新鲜，糯米饭好软绵绵，椰浆比较少啦。
饭后甜品，每次黎都会有。我觉得好好味啊，有d番薯吧？西米甘样嘅，唔会好甜，我好中意。服务员唔小心俾多左碗，太好啦。
每次去都唔会失望，期待下一次。
