大快活餐厅 (已結業)

好明显，妹妹已经将呢度当佐做饭堂，周一到五只要唔系屋企吃就落来。今日吃叉烧饭拼水饺，热豆浆。唔知系米师傅心情好呢，今日的叉烧比平日面积大佐，铺开好靓，好似多佐咁，不过当然啦，边有咁好多佐噶，其实系摊开佐但厚度少佐，总体积应该都系咁上下。不过今日呢个部位比较接近肥肉，睇我个身形都知再肥都唔怕，仲不知几中意添，完全唔会干，肥肥哋仲甘香，中意啊。不过个水饺就麻麻哋，唔知点解呢度d水饺会有少少酸味，如果放冻佐就更厉害，所以一般我都趁热食的，皮几厚，馅都好麻麻，吃佐咁多次都吃唔出究竟系咩味，不过既然人哋配好的，我又懒得转啦，照吃啦。热豆浆系妹妹拣的，我自己通常拣汽水，不过妹妹话汽水无益，唔准饮，所以又转返豆浆。如果你想吃饱饭仲饮到暖的豆浆的话，建议你揾个米正对著空调口的位啦，最后面洗手池隔离果个位，例牌热豆浆变冻豆浆的。呢度的豆浆我都几中意，因为唔会太重豆味，但又唔会淡，不过妹妹就一路话太甜。