无再要比萨啦，因为实在系唔够好吃，可能吃惯咗其他店的薄底比萨啦。
今次系去朋友钻汇广场呢间饮下午茶，呢度人唔多，地方又比较大，所以觉得比系市区的
店要舒服得多，如果阳光灿烂，仲可以坐室外，非常写意。
下午茶无非都系因为有免费续杯先去的，要系无免费续杯，估计唔会多人去啦，但系如果
唔续杯确实又真系唔抵咯，因为本身所谓的下午茶套餐都唔会便好多，最多都系2、3元。
法式蘑菇鸡肉挞，呢个貌似唔知几时的新品来，几好吃，个挞皮好酥脆，系千层酥个种皮
来的，有淡淡的奶油味，里面系鸡肉蘑菇加上芝士，口感比较丰富，而且芝士味够浓郁，好
香，味道咸咸地，原来吃咸味的蛋挞系咁好吃。
香酥薯格，系下午茶餐其中的小吃，其实好多小吃以前都吃过，觉得似乎好多都唔系好啱
口味，于是就要咗大众化的薯格啦，分量比较细，不过新鲜炸出来，几酥脆的，可惜薯仔
味就唔多浓郁啦，搭配系番茄酱。
法式焦糖布丁奶茶，上面系一层奶泡，奶泡打得唔够细腻，下面好大一件布丁，系黄色的，
吃落系几滑吓，不过奶味好浓，而且好甜，加上奶茶又甜，就系甜上加甜。而奶茶味就真
系好差，一直都唔中意饮，只系朋友要饮，由得距啦。
北美特色风情烤翅，可以要4只，都可以要6只，4只的价钱系24元，呢个几新鲜，烤出来
仲系几热吓的，肉质比较嫩滑多汁，一D都唔干，而且够入味。
肉酱千层面，因为上次吃完千层面之后，觉得好吃，一直都比较怀念，今次见到啱好今日
系半价，忍唔住要咗一份，真系衰咗。肉酱做得唔好吃，好多番茄酱来，吃落就好似吃番
茄酱咁，加上烤得又窿咗小小，卖相真系一般般，原来半价噶嘢真系唔多掂。
柠荷之恋，又系半价系列，每日都有两款，两款都要晒，点知全部都衰晒。味道好淡，根本
连薄荷味都唔重，更加讲唔上会有酒精的味道，就系饮到冰的口感，连我自己做的都不如。
发现必胜客的饮品真系好差好差，如果真系要去吃，唔建议咯。
如果讲小吃，必胜客选择都几多，而且都做得唔错，但系饮品和比萨都麻麻地咯。
