宜家咖啡厅 (已結業)

夜晚去宜家买家具顺便解决埋晚餐，夜晚时间唔算好多人，轻轻排咗几分钟队就买到啦。其实宜家咖啡厅，喺天河呢边物价嚟讲喺算平噶。虽则以下呢堆野花咗我119大洋。。唔喺话贵，不过就好似唔多值咯。肉酱意粉，d肉酱味道几好，酸酸地，而且分量都足够包裹住所有意粉，意粉稍微硬d。烟三文鱼卷饼？？唔记得咩名啦，反正就系饼皮里面包住大量蔬菜同少少烟三文鱼啦。不过d蔬菜超级无敌冻冰冰啊，加上琴晚天气转凉，冻到牙都痹啊。。烟三文鱼沙拉，味道ok。分量都ok，有3大块烟三文鱼，而且唔腥唔咸。瑞士肉丸，宜家的经典出品，肉丸味道的确唔错，好有肉味，而且咬落有肉汁。搭配的薯茸好细滑，不过都系冻咗，如果有翻d温度就差唔多啦（宜家有微波炉可供自助加热，不过我又觉得薯茸加热好奇怪。。）三文鱼千层面，白汁搭配千层面，而且里面有蔬菜，味道唔错噶，不过唔多够饱。鸡翼，10蚊2对好抵吃，味道同m、k记差唔多，鸡肉都好嫩滑，基本上个个都会点。芝士蛋糕，15蚊一只又唔算贵，芝士味几浓哈，不过口感唔够细腻，而且太干！