所以近近地稳间就脚噶酒楼食饭，选左呢间佳悦海鲜酒家
呢间酒楼已经开左好多年啦，做噶基本都系街坊生意，附近好多老人家都会过来食野
D摆设有少少旧，不过无伤大雅，毕竟老店食噶唔系环境啦
不过服务又真系比较一般啦，D服务员唔够主动唔够醒目，想加个水都等左一阵
点左5个菜，平均起身都系一碟菜20几蚊，碟头都几大下
感觉价钱唔算太贵比较亲民，毕竟老城区D物价都唔算平嘛
脆金菇香麻牛仔柳26蚊：
比较有特色噶一道菜，系用炸金针菇垫住D牛仔柳
D金针菇炸到好干身好香好脆，不过个人觉得金针菇都系湿身食比较好味
牛柳就真系好唔错，D肉腌得好入味，牛仔柳非常嫩非常爽口，一D都唔韧，炒得好香好好食
锅焖水库鱼头28蚊：
用小铁锅装住，上来新鲜滚热辣，开盖冒烟让人垂涎三尺
D鱼头用好多调味料盖住，焖得好香好入味
分量唔算少，应该有3个鱼头，感觉分量都OK了
滑菇豆腐煲22蚊：
都系用小铁锅装的热辣辣，过入边有好多豆腐同冬菇，仲有少少肉碎吊味
D冬菇好淋好香好入味；D豆腐好软好滑，加埋D肉碎食唔会觉得斋
感觉唔系20蚊性价比都几高噶，因为冬菇都唔平嘛~
生炒糯米饭26蚊：
好大碟噶生炒糯米饭~而且配料有好多，有花生、腊肉、香菇同埋各种香料
D饭炒得好干爽，粒粒饱满而且好够味，D糯米唔会太痴牙，口感味道都好唔错
果汁猪扒32蚊：
啖啖肉噶一碟菜，而且分量都几多，D猪扒好大旧旧肉都好有分量
D肉都系瘦肉，唔会搭D肥肉落去，真材实料~
味道都整得好唔错，酸酸甜甜好开胃，大啖大啖肉食得好满足~
最后4个人人均都系30左右，食得几满意
而且最紧要就脚嘛，脚骨力都省了不少~
以后同阿婆食饭好大几率依然会帮衬呢间店~
