中午时分嚟到，人都好多下，不过都叫有位坐，我哋叫咗一个牛羊杂汤15蚊，一个三星汤13蚊，一个猪油捞面7蚊同一个炸酱面都系7蚊！
唔好睇啲汤咁细碗，其实料都好多，中意呢度嘅酸萝卜，腌得好入味，但系唔够多放得，汤底食得出用咗药材嚟炖嘅，味道唔错，不过牛三星汤啲牛三星未熟透，仲有啲血水，后嚟同佢讲，个老板就叫人淋啲热汤搞掂。。觉得有啲危险，生嘅容易有虫，咁嘅态度唔得，不过可能太熟又会韧吧！
猪油捞面老公话唔错，但系我都系中意食炸酱面，辣辣哋酸酸哋，里面有啲榨菜有啲肉碎，面都好弹牙，不过分量就细咗啲，偶尔食一餐都唔错！
