小北酒家傳統粵菜 (小北路)

小北鱼翅海鲜酒家已经开左好多年噶啦。细细个经过既时候，成日都好羡慕向尼度出入既人，霖住向尼度出入，肯定系好有钱，仲要有鱼翅吃添。前一段时间过开尼边做野，咁岩经过开小北鱼翅海鲜酒家，居然俾我见到距仲有开业，不过依家既装修基本上同20年前无乜分别，感觉上残旧左好多咯。而且距地依家做埋快餐，令人感觉上个格调都低左好多。既然经过，虽然我就吃唔起鱼翅姐，但系一个快餐都仲系吃得起既，咁就紧系要满足下小时候既愿望，入黎吃翻餐——快餐啦！！点左个烧鹅饭，价钱唔算贵，都系同出面既快餐店差不多，10元左右就有交易。D烧鹅烧得几好，唔算太肥腻，鹅皮烧得好香口，而且D肉都好滑，唔错。饭量比较适中，唔会话系唔够饱。唯一既缺点就系D烧鹅有小小冻咯。