肥羊的名字听得多，一次我们是打的去的，呵呵，成本高左～～
去到发现虽然唔系好大，但系环境几好，至少比好多火锅店好～～距地唔系用煤气，而系电磁炉，所以觉得干净D，不过咁又好似无左火锅嘅味道，有得有失啦。。。
最中意系D服务员比D外衣套我地，遮住D衫，唔使搞到一股味道。。。
好啦，讲下D食物啦。。。
我地七八个人，点左个鸳鸯锅，肥牛肥羊就必不可少啦，仲有鸡肉、莲藕、海带、青菜、肉丸、腐竹……多到数唔晒啦。。。
一落锅再一捞，好多嘢就送左入各人嘅口中啦，哈哈哈～～抢得好快！！！不过咁样先过瘾，先系打火锅嘅至高境界。。。
因为要照顾唔食辣嘢嘅人，所以点左鸳鸯锅，但系后来发现，辣果边几乎无晒，连唔系几食得辣嘅果位都猛食，真系犀利。。。早知就单点辣啦。。。
仲有好嘅地方系送豆浆，不过一开始就比我地瓜分晒啦，之后就只可以饮茶咯～～
埋单好似280几，可惜果日系突发奇想去食嘅，无带DP卡，唔系嘅话可以打折啦。。。
以上食評乃用戶個人意見 , 並不代表OpenRice之觀點。
讚好
