山窿粉 (已結業)

山窿粉系一間法式越南菜館，位於禺山路，門面唔大，入到去先知道原來有4層。

雞絲粉絲湯——口感唔錯，味道較清淡，雞絲略為粗諧。

香茅牛尾煲——紅蘿蔔好入味，d肉又夠淋。仲配有法式麵包蘸汁食。據說系用馬尾牛（馬同牛雜交后嘅品種）煮嘅，去到一定要試。

秘制羊腩煲（唔系好中意食羊，所以呢個無食）——配生菜上。

XX魚（具體名唔記得）——老闆娘系上呢個菜個陣特等提醒話比較多骨，不過食落就無咩骨。魚嘅味道唔錯，中餐都好似有呢種菜式，唔似越南菜……

越式也忌——其實系梅子豬手，又叫“假狗肉”，食落無肥膩感，但有d酸、有d澀。

香茅豬扒——底下鋪左d蔬菜，口感都唔錯。

斑蘭缽仔飯——岩食個陣覺得唔好食，但越食越覺得好食，不知不覺就食左大半缽，去到一定要試。

香芋椰汁黑糯米——芝麻鋪面，食個陣好香嘅芝麻同椰汁味，又唔系好甜，好食，去到一定要試。

山窟粉嘅老闆娘好熱情，服務人員嘅態度都唔錯