开台没野食，唯有吃左野再过去。叉烧包，系开口果只，的面发得几靓，不过的馅麻麻地，肉好少。蛋挞，新鲜局出黎，皮唔系太起酥，不过的蛋浆开得几靓。白灼油麦菜，系将的油麦菜白灼左之后，再淋下蒜茸酱油，比较少见既做法。点心拼盘，里面将店家大部份既主打点心集成一笼，适合我呢的想多种尝试既人。一共有成八款，每样一个，分别系：烧卖、牛肉丸、猪肉丸、虾饺、小笼包、粉果、凤爪、饺子。小笼包，皮薄，而且的汁够多；牛肉丸，加左的马蹄落去，够爽口；其他果的，不过不失啦。流沙包，的流沙系咸蛋黄馅，一撕开，的馅争住流出黎，正。净吃小食肯定唔够，只能再叫多两个主食，分别系咸鱼鸡粒炒饭同叉烧菜心粒炒饭。两个饭既价钱一样，份量都几足，不过叉烧菜心粒炒饭的料足的，而咸鱼鸡粒炒饭就惹味的。
呢间店系全日做茶市，虽然位唔多，但好旺场，吃饭时间过去，最好早少少去罗位。
