我地要咗半只鸡(38元)加两斤(30元/斤)脆肉皖，如果加其他嘢就可以叫半只鸡点了一份鲜虾粥，另外加一份青菜13元，一份面筋16元
鲜虾粥好快就上，一大煲粥有8-10碗，除咗虾还放了白贝，鲜虾粥好棉好入味，比传统米同水分离嘅潮汕海鲜粥好食，食完个粥都未上锅仔，脆咗几次先上，一上菜就知肯定吃唔晒，一大锅嘢叫多两个人来都够食
鸡肉好入味肉质都几好，脆肉皖非常弹牙，锅入面D汤偏咸，要边吃边饮水
值得一提系佢嘅面筋，要16元一份可以讲非常贵，上菜见到一大碟都算够分量，最主要系D面筋炸得啱啱好，用来打边炉一流，不过我吃面筋吃出一条胶带（看我发嘅相片）
最后吃唔嗮都系要打包，而且要两个饭盒先装得嗮，提醒各位人少就唔好打边炉了。
呢间店旁边开咗间平安堂凉茶铺，其实系同一个老细的，觉得热气可以饮杯凉茶先走，埋单唔可以刷卡只收现金
------------------------------分界线------------------------------
之后又来过几次，讲吓之前冇点过嘅菜式
虾蟹粥 98元 2-3人份
放咗一只肉蟹，蟹唔系咁大只大概半斤左右，不过胜在够新鲜，粥水嘅味道基本同单点嘅鲜虾粥冇咩分别，但系今次吃完之后一个钟后好口干，应该系味精放太多了
西兰花炒鲜鱿 29元
呢个菜炒得好够窝气，料又够足，就系西兰花唔多够淋要嚼多几下，29蚊都几超值
豉油王炒陈村粉 25元
其实菜单系冇呢个菜嘅，我系记得斜对面果间荣生集北水蛇粥有呢嘅菜几好食，以为大家都系做顺德菜所以就试吓呢边嘅得唔得。分量就足够大，可惜炒得唔好食，LP话佢地嘅有唔得有一股味。只系吃咗几啖就冇吃了，菜单冇嘅菜都系唔好点
觉得我嘅食评有用请比赞！
