早餐食得迟，所以无咁快饿。。
买完对鞋同埋条裤之后呢。。
就开始觅食啦。。
岩好下午茶时间。。
呢个时候食野系最抵嘅。哈哈。
2点半了。。其实都开始饿了。。囧。
但系又唔知食乜好~~
行行行。突然见到金招牌喔。。
成日系网上睇到啲TX话抵喔。。不过又话北京路呢间分店嘅质量差，服务都差。。
算啦。一分钱一分货。。唔好咁高要求。。
横掂无食过。。试下无妨~
上楼梯吖上楼梯~
去到二楼。。额。无位。。
继续上。。。
好饿呀。。
三楼几空下。。
不过我地坐低无几耐。。就无晒位了。哈哈哈哈。。好彩吖。。
恩。。呢度环境。。一般啦。。唔系咁干净嘅感觉呢。。
果日遇到嘅服务员态度都几好。。
不过都系讲普通话嘅。。
对住个下午茶餐牌。。。纠结左好耐。。
最终点左一个B餐，一个C餐~ ABC三个餐都系18蚊嘅~
B餐系吉列猪扒+煎蛋+餐包 and 肉酱意粉。。
C餐系黑椒薄牛扒+煎蛋+餐包 and 3只鸡中翅+天使面。
两个餐都有杯饮料送~
妈妈要左热嘅好立克。。我要左招牌红豆冰。。飞冰~
讲下份B餐先。。总体来讲都几好味吖。。够热。。
吉列猪扒几嫩下。。肉酱意粉好好味啊。。比我嘅天使面好味多了。。
肉酱又唔会好酸喔。。好味好味~
我份C餐。。一片黑椒薄牛扒。。好细。。不过系咁噶啦。
18蚊，唔好太高要求。。
味道几一般啦。。
天使面。。唔好食。。其实根本唔系天使面来嘅。。
系类似长寿面果啲吧。。
记得系其他地方食嘅天使面几好味噶。。
所以我净系食妈妈嘅意粉。哇哈哈哈。。
鸡翼都几一般下。。唔系好入味。。
有3只咁多。。食到好饱。。
唔知点解我份餐。。基本都系冻嘅。。囧。。
由于赶时间。。。就无去追究啦。。
好立克我无饮。。不过妈妈话都可以。。
我杯红豆冰都几好味吖。。好多红豆。。
啲红豆几绵噶。。由于太饱。。所以我无食晒啲红豆
总体来讲。。咁嘅价钱都几OK啦。。
呢度啲下午茶都几多选择喔。。特别系饮料~
套餐方面有3种。。
有20蚊嘅情侣套餐。。几多选择。。
有我地食嘅18蚊套餐。。有ABC三套。
仲有石锅饭。。同埋公仔面嘅套餐。。
一个饭或者面加饮料。。13蚊。。
下次有机会再去过。。
呢度下午茶时间系2点15到5点45。。
所以。。其实可以来呢度食晚饭嘅。哈哈
