富临真係好抵食啊。。哈哈。碟头大，价钱又唔贵。最适合一大帮人过来啦~
呢度日日爆棚。过来食一定要预定，唔系嘅话只有等位等位等位~~
所以各位朋友仔想去嘅话记得预定啦~哈哈。
呢度门面好细，好容易miss咗。记得要认住门口挂住两个灯笼吖。
呢度好似有四层楼。。位置都几多下嘅。。有包厢，低消好似三百几四百。。唔记得左。哈哈。
饭后送红豆沙，好正，D红豆好绵吖。。不过个人觉得有啲甜，嘻嘻。
几乎每次必点嘅白灼牛肉。。
新鲜热辣嘅牛肉，下边铺住豆芽。。夹一旧牛肉同少少豆芽，点下芥末豉油，哇。。好刺激。哈哈。牛肉好嫩。。
葱油鸡都好正！！好过白切鸡多多声！！鸡肉嫩滑，葱油够香！
脆皮猪肉净係食过两次，哈哈。分量都几大。皮好脆，肉汁都保留住。都系点芥末豉油。唔会好腻~~
各种粉丝煲都好好味，不过就好难夹啦。哈哈。要趁热食。
哦，仲有个芝士伊面。。好好味啊。。次次都食清光。
沙拉猪扒都系招牌菜。岩炸好嘅猪扒淋上沙拉汁。。正！下边铺咗青瓜，可以解腻~
以上食評乃用戶個人意見 , 並不代表OpenRice之觀點。
讚好
