Item: 佳悦酒家 (龙津东路)
Rating: 3
Author: 周街揾食人

揾食佳悦

周街揾食人

等級3

2013-10-15

62 瀏覽

關注

佳悦海鲜酒家以前在中山七路依家搬咗嚟龙津路环境大咗生意就好咗食饭时间排晒队等位好夸张，今早经过原来佢有早茶饮啵仲唔使等位添，上到二楼环境就几大下，装饰就一般般啦都算几简陋下位就有位不过成个环境烟雾弥漫，睇嚟呢道啲人喺食烟唔喺嚟食嘢，即刻落番一楼坐在靠门口嘅台，呢道嘅空气种算舒服啲啦，叉烧餐包十一蚊睇落又几靓下啵，新鲜热辣即点即做啲叉烧馅仲好好味添几正下啵，果皮牛肉肠十三蚊真系果皮味几香下牛肉就少啲不过嘅肠粉又拉得几软滑都算过得去啦，个鲜虾水饺就真系几一般下啲皮都算薄不过里面啲馅少咗啲啰肉就少菜就多啲虾好似食唔出添，美点五拼里面有虾饺、栗子饺、菠菜饺、小榄粉果、红枣糕，十六蚊有五个品种试下都几好下啵，虾饺同菠菜饺就几好味下，栗子饺同小榄粉果就差啲啰，红枣糕就几爽几香都算过得去啦。感觉呢间佳悦味道都算过得去啦不过讲到嗰个烟雾弥漫嘅环境就真系怕怕嘞。