林師傅 (西華路)

每次去亲越富果边，都会过来西华路呢间林师傅食翻碗濑粉，同埋点个牛杂噶，呢度噶濑粉眞系好好味啊，而且，斋濑粉先3蚊，算抵噶啦，牛杂又好味喔，牛杂最好就要大噶啦，因为细噶会觉得5抵咯，而且啲牛杂又好入味喔，讲起都流口水啊，哈哈
仲有，不可不提呢度噶咸酸，我大爱啊，每次来都可以将摆喺台面嘅全部清空，眞系恶劣啊
仲有牛腩都唔错噶，哈哈，啲萝卜焖得好“林”好入味
牛三星亦都好正，单点噶话会正好多
中午噶时候好多学生同埋喺附近上班噶人嚟呢度食嘢噶，如果你係想来呢度食噶话，最好就早少少，避开果啲高峰时间
呢度嘅环境就麻麻地啦，但系啲人做嘢都几勤快嘅，有二楼，二楼就清静好多咯，但系果条楼梯实在係太细啦，要考技术