炳记五味鹅

一直想去食黄鳝饭，刚好一班食货都有兴趣，马上约埋去芳村依间炳记。环境就系比较简陋普通的餐厅，人气都几旺的。我地8个人点咗五味鹅、台山菜花炒鸡杂、荞菜炒烧肉、水鱼焖鸡煲、大盘鱼、酥炸狗肚鱼、泥虫咸汤丸和黄鳝饭。

先上五味鹅，半只分量唔细。味道都唔错，稍咸咗啲。有啲似平时食嘅豉油焖鹅，唔知点解叫五味了。

五味鹅

五味鹅

台山菜花同依道嘅菜花唔同，爽脆些，味道都系稍咸些。

炒台山菜花

水鱼焖鸡煲系特价38蚊，两样材料都唔便嘅，当然水鱼就只有些裙边食了，鸡就整得细碎，味道还可以吧。

水鱼焖鸡煲

天气仲未开始暖就已经有台山荞菜食了，脆嫩鲜甜，配烧肉来炒就最惹味了，唔错。

烧肉炒荞菜

主角黄鳝饭上来，卖相都唔错，黄鳝肉分量都几多，米确实系台山米。食落口感松软唔腻口，但缺少咗陈皮吊味，有啲失望。

黄鳝饭

黄鳝饭

大盘鱼真系好大盘，中间系鲩鱼，两边系虾和白贝。鲩鱼味道可以，但虾唔系好新鲜，打咗折扣~~

大盘鱼

做得最好嘅系酥炸狗肚鱼，外酥脆鱼肉嫩滑，咸度适中，即使放得长时间都一样咁酥脆，相当好食！

酥炸狗肚鱼

最后上嘅泥虫咸汤丸好大盘，有泥虫（好似细沙虫）、紫菜蛋花和台山冇馅汤丸。汤头好鲜甜，泥虫爽口，汤丸软糯，之前有啲菜味道咸，食依个带汤嘅汤丸就最啱了！好快就清盘~

泥虫咸汤丸

最后埋单人均才45蚊，但餸菜都食唔晒，分量相当多，性价比算高的。