名字就系餐馆所在位置，既简单又特别，一路走入去，感受到浓厚的民族风情，地方虽然细，但系另有一番别致。
从装修和摆设，都非常雅致，系一个发呆的好地方，重点系人少，够晒清静，系呢度发现时间会过得特别快。
当然呢度的老板娘系做广告设计的，所以眼光自然系独到啦。
睇过餐牌之后，价钱虽然系比外面的贵，但系只要好吃，问题就唔大了。点餐工作就交比试过的朋友啦。
牛肉酿彩椒，卖相真系好掂啊，红色+黄色的彩椒，净系颜色就够吸引了，里面系芝士焗牛肉，牛肉香滑，芝士就更加香，彩椒就咁焗过，形状依然系保持咁靓，吃落清脆爽口，唔会觉得生；
黑椒牛柳意粉，其实呢个分量都几细吓咯，黑椒味好浓，连牛肉的入晒味，所以牛肉系越吃越香，牛柳切得幼幼的一条，好嫩滑，至于意粉都唔错，唔会觉得硬，吃落爽滑；
橘汁鸡扒，鸡扒D肉好嫩滑，两面都煎都好香脆，所以吃落既香脆又嫩滑，再加上新鲜的橙汁解解油腻，味道好正；
南瓜饼，呢款南瓜饼做得好精致，睇落金黄色，真系好吸引，里面馅料好香滑，口感细腻，外面炸到松脆，两者合起来，味道一流，而且甜味适中，所以吃完都唔觉得腻。
来呢度唔单止可以吃到美食的食物，更可以欣赏到食物的艺术性，感觉没一份出品都系一件艺术品咁，融入咗厨师好多的心机。
