满福城餐厅 (已結業)

系满福城饮完茶可以落去行恒宝广场好方便~！今次网上有团购餐几抵50蚊双人有12款可以选6款~！芹香虾饺皇：虾饺係我饮茶嘅最爱，皮薄如纸，馅料隐约可见，有芹菜嘅香味，鲜虾大只爽口。豉汁排骨陈村粉：虽然排骨同陈村粉都唔係好多，但系排骨嘅料味渗入陈村粉好好味，陈村粉好爽滑。 彩丝XO炒萝卜糕：所谓彩丝有蛋丝、青椒丝、萝卜丝等等带动色彩，D萝卜糕切粒粒，炒得外表金黄脆卜卜，加上小小辣的XO酱美味。荔湾渔家艇仔粥：艇仔粥好足料，蛋丝、花生、油条粒、鱼片等等配料，D粥水熬得好棉。流汁金沙包：外皮为金黄，里面有着咸蛋王色嘅粒粒细流沙，轻咬一口，流沙逐渐地流出包外面。