祺祺小食 (德政北路)

又系一间比较具有集体回忆嘅店，环境唔会系富丽堂皇果种，但系总有一种亲切嘅认同感。
呢度有好多唔同品种嘅小食，粥粉面饭四大发明样样齐全。好似煲仔饭、拉肠、云吞面、笼仔饭、牛腩粉、炸酱面、猪红汤等等，各取所需，各有口味啦。
我比较中意食煲仔饭，不过只系冬天比较好，暖粒粒，夏天就唔好啦，热死咯。仲有牛肉窝蛋饭都好正，牛肉分量都唔少架，性价比好高，所以好多回头客同街坊帮衬。