陶陶居 (第十甫路)

陶陶居响广州真系好出名，现在被幸运楼承包左，人气都几旺。
我有时候都去陶陶居饮早茶，饮完早茶行上下九路步行街。
3楼环境比2楼好，唔会太嘈，服务员D态度都唔错。
萝卜糕，几好味，萝卜糕里面D萝卜丝几多，唔似有D酒楼，粉团多过萝卜。
凤爪，凤爪焖得够晒味，又淋，又好入味，味道又调得几好。
猪肠煲仔肠粉，肠粉一大煲，有猪肠、生菜、肠粉，现场马上煮，猪肠几淋，洗得好干净，肠粉浸住D汁，所以觉得好好味道。