第二晚啦 同自己办公室嘅同事一起。。欢乐得多了~
五点落班就即刻行过来啦。哈哈。
要五点半先可以开餐。所以我周围影下先。
有咸蛋黄睇
都几靓啊。。唔差过夜景噶。哈哈。
额。注意D野唔好放系窗台度啊。。唔系等阵唔知转左去边
炸物。。
果时喉咙唔系咁舒服。。所以一只都无食到。
听讲个咖喱角好味
沙律区。
果晚都无点食。。前一晚就食左薯仔沙律~
海鲜，刺身。。
睇完我先知道原来前一晚根本无野食啊。。
虾，蚌，螺，青口同海星~
玻璃柜果边系刺身。有三文鱼，八爪鱼同红黄希鲮鱼~
再过去有寿司。。果然比我前一晚去嘅多好多啊。
仲有D小食。海草，后尾有螺肉出现。仲有冷面。蟹子青瓜丝沙律。仲有姜。仲有。。唔记得左。哈哈。
开餐啦~~！
第一次攞嘅野。
有海草，冷面，寿司，虾，螺，蚌~
D蚌都几新鲜几鲜甜啊~~挤D柠檬汁上去。正啊~！
过左一阵先去攞嘅三文鱼。。因为开头实在太多人了。
三文鱼好似比前一晚果啲好味喔。哈哈。
好肥美~
跟住跑去攞芝士蛋糕。就得一只系芝士咋，其他都系慕斯。而且无再补货。所以攞左翻来先。哈哈。
几个人一起share~
D芝士蛋糕有淡淡嘅柠檬味。芝士几浓郁下~饼底好香。正啊。
后尾我谂住去攞杯茶来送蛋糕。。点知攞完杯茶翻来。D蛋糕无晒距地岩先明明话唔食嘅。。
鱼翅汤喔。。唔热嘅~加醋加芫荽~味道一般般啦。
前一晚来见到俾人抢晒嘅肉。。
今次去到就去试下。
额。距话系羊肉。。唔知点解咁白嘅。
唔好食，超淋
个碟最上边果旧白色嘅肉就系上边讲嘅羊肉了。
去铁板区攞左个羊扒。。味道都OK。有少少韧~
鸡翼好味啊。不过好辣。唔敢食多只了
炒面好难食！！
下边个好似系咩芝士沙律。。唔知系咪臭芝士。。臭臭地嘅~
有个专门炒意粉嘅。有意面同通粉~
跟住有肉酱同番茄酱。。。
叫距炒DD俾我~几好味啊。。食翻D热嘅舒服D~
呢度嘅雪糕好正啊！！睇唔到系咩牌子嘅。
超好味！最中意只芝麻嘅同果仁嘅！！好香滑啊~！！可惜食唔到咁多
手机影得唔靓啊。。不过真系好好味
影好少相啊。。我D同事都系40+。。距地一定觉得我好奇怪。一直影相
后尾我都无影了。哈哈。
哈哈。分享完毕~
