点完菜我地大概行左10分钟，再返包房已经开始上菜了！好有效率！所以人没齐噶话记得要同部长讲叫起！我地饮噶系天麻猪脑汤~汤几清甜~我饮左3碗~哈哈~！其他菜就陆陆续续上，有清蒸缩骨鱼、新塘特色鲮鱼包、白灼明虾、茶树菇炒牛柳、炸牛奶、金针菇扒日本豆腐、蒜蓉粉丝蒸圣子王、藕合炒鲜蔬、生炒紫菜心、上汤皇帝菜、香煎多春鱼~
缩骨鱼同虾都好新鲜~只需少少酱油就好好味了~而圣子王可能蒸耐左，D粉丝都干晒，口感唔好，多春鱼系煎噶~最适合饮酒人士送酒啦~
鲮鱼包系特色菜，用鲮鱼肉滑左馅料然后用云吞皮包住，再系上汤蔬菜度一起煮，鲮鱼包好滑大人小朋友都岩吃~炸牛奶除左我中意吃~小朋友都中意吃~因为距系炸噶~小朋友最中意吃炸野了~呢度噶炸牛奶唔会好甜，比较清淡~吃多两个都唔会腻~金针菇扒日本豆腐都受到大家噶好评~厨师味道调得几好~好送饭！藕合就系用莲藕片加肉滑制作噶~然后再同马蹄、荷兰豆、木耳、芹菜一起炒~系非常清爽噶一道菜~
饭后点心甜品就有黄金糕、雪山包、芝麻糊~我对黄金糕一般般所以无吃~雪山包就吃左一个~吃下吃下~有个亲戚问雪山包几好味~入边系咩馅？考起大家了~我地见到师傅整雪山包~不过真系睇唔出~吃唔出D馅料系咩整噶~讨论来讨论去就知道味道唔错~哈哈~另外不得不提噶就系芝麻糊啦~呢度芝麻糊系现磨噶~煮芝麻糊噶灶台后边仲有个石磨~我贪得意仲去帮个师傅转左几圈~都要好用力先推得动个石磨噶~芝麻糊又香又滑~饭后每人一碗！
花好悦园一开始比我感觉好似系大排档~因为一入门口感觉有D似菜市场啊~哈哈~但系你再深入行又会发现个大厅、包房又好似OK喔~而且又有塘边雅座~距主打番禺特色农家菜~绝对称得上价廉物美！
