惠食佳 (东风东路)

營業中

休息中

虽然系我请吃饭，但个客人都比较客气，识锡住我个荷包。呢度以啫啫煲仔菜闻名，所以点呢类既菜比较多。啫啫黄鳝煲，虽然唔系黄鳝皇，但都有手指尾甘粗，而且的肉好弹牙，唔错。啫啫娃娃菜，蔬菜好少用啫啫呢种方式，但店家比较敢创新，将的娃娃菜切成长条状，加上的秘制酱，爽甜好味，有特色。葱油鸡，葱同香茜既份量比较多，上菜果时，基本上见唔到鸡。不过的鸡既肉质几好，结实得黎唔会鞋。豉油皇鹅肠，的鹅肠厚身得黎又够入味，值得再试。清炒芥兰，选既系芥兰苗，所以条条都好爽脆没渣。面豉蒸花肉，几怀旧既一个菜，但味道调得好，真系宜不得再添多碗饭啊。呢间店，出品几好，就系份量少左的，而且价位都有番甘上下。