邓留山 (已結業)

自从邓留山同许留山两个留山之争事件之后，好似去邓留山嘅次数真系少左，不过有时觉得虽然许留山话自己先系正宗，但系有D出品确确实实系唔及邓留山嘅，可以讲，各有所长啦。
系网上买左张邓留山嘅团购券，11蚊嘅券，等于20蚊嘅现金咁用，相当于差唔多5折啦，几抵架啦。
依家邓留山有仙草圆系列，其实就系当下热门嘅芋圆啦，有香芋仙草圆、红绿仙草圆、鲜果仙草圆等，都系19蚊一份，用券嘅话就等于11蚊，都抵食嘅。仙草圆QQ口感，夏天食比较好。我最爱嘅仲系芒果，金粉捞晶晶、芒果捞嘢。多芒小丸子同芒椰芒果爽都系我嘅至爱啊，越多芒越好啦，哈哈。