金撈火鍋 (光明廣場) (已結業)

星期日下午5点半开始等位，等咗两个钟，终于可以入去食喇。碗筷囖上嚟，仲滴紧水，真怀疑佢D碗筷系过冷河就算。台凳唔够，就开折台，食落真不爽。而且D人个个都系用抢的。地面滑。食嘢方面，除咗开台时佢送嘅一份肥牛之外，我就无食过。唔系唔想食，而系无得食。自助区出过两次肥羊，我都唔客气，抢到D啦。虾都好多人抢。圣子、珍珠蚌就无乜人抢。好多摆喺度。我BF中意食蟹柳，但呢度D蟹柳，煮几耐都系唔散开，食完之后我BF就搞肠沙喇。嘢饮有可乐雪碧美连达，都系兑水的。旁边一壶壶的就系竹蔗胡萝卜水，好多人饮，都几OK，暖暖的。食完一粒钟后，捻住食菜，厉害的来了。我竟然夹唔到菜。大白菜，生菜，西洋菜，一出嚟我就只能眼甘甘望住人地喺度抢。到我埋单走人，都系见到盘上剩翻D拣剩的。金针菇我最爱食，因为佢嘅综合因素，我都系食咗少少。不过佢就成日一大盘一大盘咁囖出嚟补货，所以唔惊食唔到。