广州黄鳝世家 (已結業)

三人的团购餐，我地四大一小去，加多两个菜，打包番两个走，早知就唔加菜啦，三人餐4个大人都刚刚好~~系网上搜过话建六呢间店服务同出品算唔错，所以舍近求远去到呢树吃，要提前成三日预约至有位啊~~餐单有：生磨杏汁白肺汤三位，沙姜焗农家鸡，黑椒汁焗T骨扒，葱油淋西江骨鱼，鲜虾蒸娃娃菜，金香黄鳝饭，中山菠萝包半打~~生磨杏汁白肺汤：好滑啊，好香啊，除左呢两个字，真是无其他形容词了~~沙姜焗农家鸡：原本以为份量好少，一煲上来，哇，成只鸡，好浓的沙姜味，甜甜的豉油味，肉又嫩又滑，仔仔吃左两只鸡脾都仲要吃啊~~黑椒汁焗T骨扒：猪T 骨扒，略肥啦，而且稍稍咸，空口吃就会重味D~~葱油淋西江骨鱼：鱼是切双飞片蒸的，但有D过火，所以会鞋左D，但很新鲜~鲜虾蒸娃娃菜：娃娃菜吸晒虾的鲜味，呢个菜可以自己系屋企炮制，连唔中意吃菜的我都吃左4、5棵~~金香黄鳝饭：PERFECT，不愧是招牌，饭甘香，鳝鲜甜，虽然是小份，完全可以装6碗有余~~菠萝包：一般般啦，盛名之下觉得好普通~~外加的猪手同丝瓜鱼腐：正价的出品好系真是好好多，猪手滑而不腻，丝瓜清香鱼腐软绵~~