呢度嘅茶都几有特色，系煲好的山楂普洱。山楂消腻开胃，特别食完黄鳝饭饮翻杯茶无甘腻。
生磨杏汁白肺汤。杏汁好香，汤里面都见到杏仁末，不过比较油腻。应该系一大锅煲完再放入盅里乘出来的。汤清清地都几好。
风沙脆皮鸡。一大只鸡，烧得外面好脆，鸡里面好多汁，肉滑。点嘅酱汁系南乳酱，比较特别。
冰镇鳝片。呢度嘅招牌黄鳝片！大概有10几块。将鳝片飞水煮熟后，放系冰上镇冻，另肉质更加爽脆。点上伴有芥末嘅酱油，好好食。推荐！
葱油淋西江骨鱼。鱼比较细。葱油淋做法都几好，不过鱼肉质不太新鲜。
拆骨猪手。猪手都系招牌。下面用醋、花生一起捞青瓜。猪手拆肉，加醋、酱油一起整。冻食，青瓜酸酸地好开胃。猪手好爽。
金香黄鳝饭。招牌黄鳝饭。黄鳝拆肉，用煲仔局饭。打开盖嘅时候香喷喷。黄鳝比较漏，食一碗就饱晒。
中山菠萝包。菠萝包里面真系包住菠萝。皮松松，陷甜甜地。都系招牌。
另加嘅肥叉。肥叉选中五花腩，秘制酱汁整，叉烧好入味。不过一两块就好饱。
呢个4人套餐分量真系好足，4个人食5晒，仲打包左两盒菜。虽说4人餐，我觉得可以5,6人一起食。加上另加8蚊可以点多碟肥叉。超级抵！
