喺我地拣主食嘅时候，老板逐一介绍咗店内嘅意粉品种，卡邦娜同忌廉汁嘅区别，牛肉酱同番茄酱嘅区别……众人了解后按自己嘅口味拣选，我比较爱尝新，所以拣咗通心粉，原本要卡邦娜酱汁，但老板话卡邦娜酱汁较黏稠，唔啱通粉，后改咗牛肉酱。
卡邦娜意粉~~这个据说系最易做嘅传统意粉，味道香浓，有芝士混合蛋黄嘅浓郁甘香味道，仲有培根嘅烟熏香味，绝对系芝士控嘅至爱！意粉可用aldente形容，熟度口感都好到位。
忌廉汁意粉~~一上来基本个个都被中间嘅蛋黄吸引住，食嘅时候把蛋黄打散拌匀，忌廉混合蛋黄嘅酱汁比浓郁嘅卡邦娜要轻柔清爽些，意粉同样弹牙有嚼劲。
牛肉酱意粉~~正如老板介绍嘅，依道嘅牛肉酱有别于其他店嘅肉酱，牛肉嘅比例占七成，混合香草蔬菜粒煮成嘅酱汁，肉味更浓郁些，面上还撒了些芝士碎。
牛肉酱通心粉~~肉酱同上一样，尖管状嘅通粉比细意粉更有嚼劲，口感有别；亦如老板所言，适合搭配水分多一些嘅酱汁；可惜冇人点番茄酱，想试下肉酱同番茄酱之间嘅味道区别。
接下来嘅甜品经老板自信嘅介绍下，个个都好期待，据说提拉米苏好正，好多人点佢呢，我都唔例外，哈哈~
提拉米苏~~同咖啡一样用玻璃杯装载，面上厚厚嘅可可粉，深深挖一羹来试，中间嘅马斯卡邦芝士口感细腻，奶味足，下面嘅手指饼吸收咗醇厚馥郁嘅冧酒味，如老板讲嘅，甜度比其他店食到嘅要低，更突出了芝士、冧酒嘅香味，仲有可可香浓带涩嘅迷人味道，果然系“性感版”！
心太软~~一直都想试心太软，但唔系道道都食到满意嘅，依个蛋糕对温度时间嘅掌控好考人，依道嘅出品足以体现烘焙技术确实唔错，用刀切开带些微脆硬嘅外壳，里面嘅流心朱古力酱就倾泻而出，朱古力味够晒香浓，甜而不腻，下次我仲要来食！
焦糖布蕾~~照足法式嘅焦糖做法，睇住用喷枪整焦糖好有趣；卖相金黄好诱人，表面嘅焦糖脆脆嘅，布蕾甜度唔高，好香浓嘅蛋奶味，落足料好味道。
芝士蛋糕~~芝士味相当浓郁，口感细腻绵滑，甜度适中，食多都唔觉得腻，切件嘅分量唔细呢。
水果沙拉~~用自家酿造嘅酸奶配新鲜嘅水果而成，有苹果、橙、香蕉、火龙果，味道酸甜可口，老板话平时系用玻璃杯分成每人一小份嘅，呃……我会唔够喉喔。
依道除咗咖啡出品唔错，原来意粉同甜品都做得咁出色，完全超出我预期！每样都用心去制作，选取嘅食材品质好，喺广州众多个性小资店里算系有外表同样有内涵嘅优质店，值得继续帮衬~
