食太郎和风料理 (已結業)

之前T左DP，发觉呢排嘅口碑唔算太好。。。

不过由于生日有三人行一人免费嘅优惠，而且又没来过天河呢间食太郎，所以谂住都试下做“白老鼠”～～

星期日订左位，接电话个MM态度好好～

琴日6点几来到，带位个MM带我地游左一下花圈，本来谂住叫我地坐普通位，阿爸话想坐沙发位，距话比人订晒，我地话本来就订左。。。咁样就有翻沙发位啦，呵呵～

坐落之后就去摞嘢食～～

食物种类好少，下面简单介绍下啦：

1.三文鱼刺身：算系贵价嘢啦，每人每次限摞3片，切鱼生果个人，好似欠距几千万咁嘅面口，叫距摞一碟仲要T距面色～～鱼生一般般啦，不过不失咁～～

2.象拔蚌刺身：一D都唔掂吖，虽然比较爽口，但系一D都唔鲜甜。。。阿爸话水准差到无人有～～

3.酥皮汤：呢个系我见到最中意嘅，不过发觉好漏下，而且个汤麻麻地，好肥腻～～

4.寿司：食太郎以日本料理为招牌，但系寿司却奇差。。。虽然唔可以讲入唔到口，不过绝对唔应该系日本料理店嘅出品～～之前系北京路果间食过，可能因为D酱油好味，所以仲觉得ok。。。今次连最爱嘅鳗鱼寿司都觉得唔好食，D吞拿鱼寿司嘅颜色好奇怪，仲有一种唔知乜嘢鱼嘅寿司，咸到一食落口就吐出来～～

5.蒸品：有中式点心，包括牛仔骨、干蒸、虾饺同包等等，剩系试左虾饺，真系垃圾啦，D皮好厚，里面D馅料唔新鲜～～

6.生蚝：有芝士焗生蚝同蒜蓉焗生蚝两种，呢样系我唯一觉得ok嘅出品，前者有D漏，不过都好好味，蒜蓉嘅比较香口～～

7.羊肉串：好辣，颜色好奇怪，唔好食～～

8.海参：味道ok，呢样食左算比较多～～

9.冷面：居然有只小强，好彩只系摞左一小撮，好彩及时发现左只小强，好彩无放入口～～

10.蛋糕：好甜，唔系太好食，D cream一D都唔似cream～

11.布甸：好甜好甜，一D都唔好食～～

12.朱古力喷泉：呢个比较好玩，最好食嘅系手指饼同圣女果＋朱古力酱，千奇唔好摞蛋卷去整吖，入唔到口架～～

13.雪糕：雪糕唔可以自己DIY，要搵人帮手摞，好麻烦～～食左个八喜嘅朱古力雪糕，可惜系我最憎嘅草莓味～～

14.饮品：种类一般，比起北京路果间少～～鸡尾酒唔错，不过似汽水多D。。。有部冲粉机提供热朱古力、玉米汤、咖啡同奶茶，不过都系冲出来架啦，唔多好饮～～

15.西米露：妈妈话好好食，不过我无试到，唔中意呢度D甜嘢～～

因为生日，最后送左个蛋糕，仲要问先有，不过D人嘅态度好好，呢个值得赞～～

除左服务，呢间嘢嘅自助餐可以用“一无是处”来形容，出品少，味道差～～咁样嘅自助餐要收89.8元（正价），真系超级唔抵。。。好彩今日系买二送一，人均60，咁样都无亏得咁犀利。。。不过真系好差咯，唔会再有下一次啦～～