红点 (已結業)

之前听某个F话红点好抵，不过一直都无去过。。。

某星期日，成班F一齐去，大概十三四人啦。。。

7点－凌晨2点，好似系买几个钟送几个钟，因为唔系我book房嘅，所以具体唔系太清楚。。。好似有8折。。。我地要左大房，百几蚊一个钟。。。

交通都几方便，就系动物园总站嘅斜对面，好容易搵，一落车就会见到大大个牌。。。。

上到二楼，发现格局同歌哥差唔多，连D房嘅size都系。。。我地嘅大房，十几个人坐晒之后只可以一个挨住一个，连多少少嘅活动空间都无，真系好逼，咁就系所谓嘅大啦～～不过因为上次去歌哥都系咁上下，所以唔会觉得特别惊讶，剩系觉得好似中房咁，如果多一两个人就真系唔知点啦。。。不过呢度比较好嘅就系房间有独立toilet，比较方便。。。

跟住讲下自助餐啦，好麻烦，系二楼唱K，要上三楼摞嘢食，虽然话有lift，不过摞住D嘢行来行去真系好唔方便。。。
价钱系25蚊一位，唔算贵，不过都系一分钱，一分货啦，食物嘅种类好少，糕点、肉类、炒粉炒面呢D例牌嘅都有，烧烤档每人每次限摞2串。。。煎炸果度有黄金糕、印度飞饼之类嘅，都ok啦。。。仲可以叫距整云吞、鹌鹑蛋、青菜等等，不过都系比较少品种。。。
饮品方面就几好啦，有沙冰、咖啡、奶茶、汽水，仲有我最中意嘅蜂蜜红茶。。。

讲翻最重点嘅唱K啦。。。D歌比较新，不过音质麻麻，尤其系D声量吖，好难控制，而且每播一首歌之前肯定有一小段其他歌插播，好烦。。。

除左唱K，二楼果度仲有得玩游戏，都几好～～

总括来讲，呢度嘅性价比都算OK嘅，多人嘅话可以考虑下